2014年3月6日 星期四

48歲阿城媾女新招 Instagram網交18 o靚模 郭富城

video


48歲阿城媾女新招 Instagram網交18 o靚模

48歲阿城媾女新招 Instagram網交18 o靚模

古語有雲「香車配美人」,天王郭富城靚車戰車就大把,自從同熊黛林分手之後,城城一直都未搵到心水靚女坐上佢架戰車。

回復自由身後,48歲嘅城城追上潮流,潮玩時下年青人至愛嘅Instagram,除關注好友張智霖同餘文樂外,似乎關注嘅亮點,係亞洲地區睇得上眼嘅嫩口0靚模。

其實之前已經報道話,話城城愛用Instagram識女性新朋友,但估唔到城城睇中嘅「城中女」,有18個咁多。昨日有雜誌幫佢做咗個小總結,俾城城mark咗嘅,有嚟自中港日韓同馬來西亞等地18位火辣辣0靚模,當中最嫩口嘅,係做過「動主播」19歲嘅許雅婷(Kabby)。

城城先後去過Kabby有份演出嘅電影《微交少女》首映禮,同舞台劇《伊甸》後台探班,Kabby直認城城好欣賞佢演出話:「佢睇完我套《微交少女》讚我做得好,話第一次拍戲表現好放。」至於再追問佢同城城私下有冇約會,佢就封嘴唔講,似乎唔想步葉熙祺後塵,因借緋聞作話題炒作,而被降格為朋友。《微交少女》顧名思義……似乎城城欣賞作品,亦欣賞得相當仔細而且有眼光。

另一位「城中女」係DaDa師妹、擁「33D」上圍﹑有「國產 Leah Dizon」嘅Moka(方媛)。屬內地幫嘅佢長住上海,係活躍人氣「淘(寶)女郎」,上載唔少性感相喺Instagram引得城城關注。Moka被問到同城城關係時,就好小心指:「我和他只是朋友,沒有其他的再可回應了!」

第三個就係曾承認透過Instagram同城城傾過偈嘅「魔鬼胸」蔚雨芯,表示自己係透過跳舞老師Sunny Wong認識城城,問到有冇食過飯?佢就話:「有......冇呀,呢啲我唔回應喇。」

睇嚟今次城城透過Instagram識朋友,都可以放心好多,因為大家都警覺性高咗、唔會亂爆嘢,希望穩坐「城中女」寶座,同時間當大家未正式攻城成功前,應該會想同城城有另一個關係——就係成為城城一直漏風聲自編自演嘅電影女角。



鍾意就快D Share啦!
Related Posts Plugin for WordPress, Blogger...