2014年4月4日 星期五

[忽然1周 975] 鮑起靜 數上癮 MW,




三大亞視 icon:影後鮑起靜、亞姐中嘅亞姐黎燕珊同埋鎮台主持陳啟泰,已經好耐無見,今次齊齊做 now訪問,一見面就好 happy,吹水吹到手舞足蹈。

媽咪姐

鮑起靜 數上癮

鮑起靜(鮑姐)、黎燕珊同陳啟泰( Ken)三位亞視 icon,上個星期接受王賢誌訪問,佢哋難得見面敍舊,梗係雞啄唔斷!鮑姐未到自己拍攝時,竟然忙於玩「數獨」,「我戒咗打牌四、五年,因為一打就要打好多個鐘,好嘥時間。依家玩『數獨』,可以保持頭腦靈活性,開工有 break就會玩。」今年憑《殭屍》提名金像獎最佳女主角嘅鮑姐,仲講明以平常心面對獎項,反而話:「哎吔,呢一版好難過關,依家中咗毒,過唔到關就唔忿氣,一定要過到為止!」原來鮑姐同後生仔一樣,都會上癮㗎!

王賢誌同陳啟泰拍攝時,坐埋一邊嘅鮑姐就「開工」玩「數獨」,仲玩到托曬腮,好認真!

珊姐唔餓得

珊姐一嚟到就嗌肚餓,見到有碟多咗嘅西餐,仲即刻擺入口,果然不拘小節。



鍾意就快D Share啦!
Related Posts Plugin for WordPress, Blogger...