今年 3月尾 40吋
喬寶寶大汗淋漓，做咗一陣運動，一抹汗時，巨腩現形。
娛樂喧
肚脹秘睇腸胃科 喬寶寶：痛咗兩星期
喬寶寶的「開心果」形象深入民心，不過，最近一個月他忽然暴肥 12磅，腰圍急增 5吋至 40吋，肚腩既脹且硬，並不尋常。諱疾忌醫的喬寶寶自知身體出現問題，但一向是家中經濟支柱的他，為免影響工作，拖了大半個月才看醫生。
上周一（ 24日），喬寶寶獨自往尖沙嘴有腸胃科及腫瘤科的診所睇醫生。之後，他到九龍公園做運動。不足十分鐘已經上氣唔接下氣。他最初唔認睇醫生，幾經追問下，才改口承認︰「（腸）痛咗兩星期！」
喬寶寶太太去年暫獲英國三年居留權，太太與兩名兒子可以居住在英國，但喬寶寶的資產被鎖死。為了負擔家人在英國每月十萬生活費，喬寶寶更加「爛做」，每星期都返內地登台，甚為頻撲。
「喬寶寶舊年年尾返嚟之後，搵錢仲積極過以前，成日叫黑妹姐（其經理人李麗霞）接多啲嘢俾佢做，話明價錢啱，遠啲辛苦啲都 OK。試過幾次淩晨做完嘢，佢即晚趕返香港，出席第二日嘅活動。睇到佢好緊張，怕得失啲客。不過，兩個禮拜前佢憂心忡忡打嚟，話唔知點解最近胃口差咗，反而個肚愈來愈脹，仲間唔中痛，佢都驚自己生嘢。」知情者透露。
秘睇西醫
上周一（ 24日）輪候診症時，喬寶寶坐立不安，只好 send短訊打發時間。從水牌所見，診所有腫瘤及腸胃科醫生駐診。
軟手軟腳
喬寶寶做了十下 sit up後，已經變得非常疲倦，需要稍作休息。之後更嘗試跑步，但跑了十多步後便停低，不足十分鐘已露疲態，之後便慢慢步行回家。
瞞老婆睇醫生
短短一個月，喬寶寶暴肥 12磅。最初他以為只是少運動，不以為意。後來腹部脹硬兼且痛，他也感不妥，但諱疾忌醫，只敢問朋友意見。痛了兩個星期，加上朋友催促之下，他才去睇醫生，但不敢告訴家人。
上周一（ 24日）下午，喬寶寶到尖沙嘴美麗華大廈，進入一間有腸胃科、心臟科及腫瘤科服務的診所睇醫生。睇了近半小時後，他便往九龍公園做些輕巧運動，但未做夠十分鐘已有氣無力。記者上前向他求證，他起初不承認看醫生，後來才承認已腸痛半個月。
記：記者喬：喬寶寶
記：見到你喺美麗華大廈睇醫生喎，乜事呀？
喬：睇腸，啲腸痛囉！
記：幾時開始有腸痛？
喬：都……有一、兩個星期。
記：頭先見到你個肚脹咗好多，係咪關個病事？
喬：都唔係……不過可能有少少關係嘅。
記：見你做運動都唔夠氣，好似好辛苦咁。
喬：啱啱做番（運動），係咁上下啦。
記：係咪要撲水生活，令你好緊張？
喬：係有緊張，我係一家之主。
記：你個肚好巨喎，肥咗好多？
喬：肥咗 11、 12磅。
記：醫生有冇講你乜嘢病？
喬：呢啲我唔方便講。
記：會唔會影響工作？
喬：都唔會。
記：太太知唔知你病？腸痛可大可小。
喬：呢啲……唔使同佢講啦。
突然暴肥十多磅，肚腩又脹又硬，仲痛足兩星期，加上喬寶寶對病情隱隱晦晦，絕對唔似普通病痛。所謂病向淺中醫，喬寶寶係一家經濟支柱，真係要好好正視病情。
|
鍾意就快D Share啦！
|
|
|
