全城熱爆的娛樂八封新聞 & 時事趣聞 & 生活 + 趣聞
睇小春食煙個樣就知佢幾享受啦，不過為咗阿仔健康著想，戒咗佢
栢芝性格無定向，而舊愛陳小春就一向火爆。不過，佢 4年前同應采兒結咗婚之後，都收咗啲火。上年 7月老婆生埋囝囝 Jasper， 46歲嘅小春榮升老竇，依家就努力賺奶粉錢。
好似早兩日媽咪姐見小春一支公，拎住杯凍檸茶行跑馬地，行行嚇，就揼咗杯嘢，點煙狂扯。一向警覺性高嘅小春，好快就發現記者鏡頭，以前嘅佢，絕對會上前「問候」一番。不過依家做咗人爸爸，果然有啲改變，今次淨係眼超超，算好「俾面」嘞！
一手插袋，一手揸檸茶，點都要型。
小春見到記者兇狠，但對住應采兒，就連手袋都肯孭，估佢唔到呢！
近年多數北上開工嘅小春，啱啱做完伍樂城演唱會嘉賓。依家囝囝 Jasper已經 10個月大，希望佢似媽咪應采兒咁精靈可愛，唔好遺傳小春嘅火爆就好嘞。
