全城熱爆的娛樂八封新聞 & 時事趣聞 & 生活 + 趣聞
當晚有唔少北方佳麗坐喺志偉身邊，不過佢就掛住同坐喺旁邊嘅朋友傾偈，暴殄天物噃！
早排中央對有「性都」之稱嘅東莞，落咗殺雞令掃黃，嚇到一班「色途老馬」腳仔軟曬！就連圈中有鋪北上癮嘅男藝人，都迫住要轉戰其他地方，雞飛狗又走，搞到家陣一入夜東莞就好似死城一樣。
相識滿天下嘅志偉，去到邊都俾人隊酒，唔冧有鬼！
「性都」唔知幾時重振雄風，不過中央未掃太平地前，媽咪姐就收到風，話曾志偉耐唔耐都會上去啲 KTV度消遣。就好似個幾月前，佢就同朋友上咗去常平一間叫做逸豪酒店嘅 KTV度飲酒傾密偈，相入面除咗見到志偉同朋友摸住酒杯底，仲有唔少北方佳麗陪坐㖭。你問有冇下文？媽咪姐唔知，只有志偉自己知。或者連佢自己都唔多知，逢飲必醉係佢強項嘛！
