掃呢頁CODE去手機

2014年4月4日 星期五

[忽然1周 975] 張栢芝暑假帶仔𠱁拉姑 拉姑,狄波拉,MW,




上周五下晝五點半,全黑裝扮嘅栢芝現身香港機場飛上海開工。雖然佢邊行邊玩 WeChat,好容易仆親,但身邊有 4大護法頂住,點都有人墊底嘅。

媽咪姐

張栢芝暑假帶仔𠱁拉姑

帶埋囝囝 Lucas同 Quintus移居新加坡成年嘅張栢芝,近日漸漸「復出」做商演,不過佢點都算係人哋阿媽,係趁五、六、日 weekend搵銀啫!媽咪姐收到風,栢芝呢次返香港,除咗搞賣樓嘅事,仲秘密帶咗兩個寶貝仔陪嫲嫲狄波拉同爺爺謝賢飲茶。一向視兩粒孫如命根嘅拉姑,喺嘆茶期間就落足嘴頭𠱁新抱搬返香港住,等兩老可以見多啲孫仔!











喺軟硬兼施之下,據聞栢芝應承咗前奶奶,暑假會再帶兩個寶貝返香港小住,如果搵到合適嘅國際學校,唔排除有搬返嚟嘅可能㖭。上周五( 28日),栢芝就一身皮 look同化妝師好友 Rick Chin、助手飛上海錄節目《媽媽咪呀》。佢完全無理記者,邊行邊玩 WeChat,仲露出腰間紋身,「不羈」到呢!拉姑想多見孫,都係要落多啲力嘞。

早前,栢芝秘密帶兩個仔返港,謝家小兄弟坐飛機分分鐘多過坐車!

《蘋果日報》圖片



鍾意就快D Share啦!