2014年4月30日 星期三

[FACE 362] 單親媽咪 送 2歲女留學 L.A. 楊思琦大貪放高 3成賣樓 思琦,楊思琦,MF,




本月 18日,未有工開的楊思琦,由清水灣半島揸車外出買茶餐廳外賣,期間發現記者仲走到採訪車旁叫記者不要跟她,但心情似乎唔錯喎!

真面目

單親媽咪 送 2歲女留學 L.A. 楊思琦大貪放高 3成賣樓

01年港姐冠軍楊思琦,自 12年在美國未婚誕下女兒楊卓穎( Krystal)後,星運已經大不如前,苦等兩年終於解凍,思琦妹月前終於有機會返廠拍劇。

香港教育學院教育學士出身, 35歲思琦妹十分注重囡囡學習成長,雖然 Krystal只有 2歲多,但思琦妹已經幫囡囡鋪曬路。據知 Krystal在港讀完幼稚園後,便會送她到美國加州開始小學生活,近日思琦妹以超出市價約 3成、約 980萬高價放售泓景臺單位,樓市咁靜都貪得脫離現實,睇錯市真係似足思琦妹作風。

去年思琦帶埋楊母,囡囡 Krystal去胡諾言囡囡生日會,當時 Krystal仲未識行!

曾經同藝員仔李泳豪愛得難捨難離嘅楊思琦, 11年含淚宣稱同李泳豪分手,轉頭就被踢爆實情已跟中國前跳水成員吳帥行埋,不過脹爆吳帥「拋妻棄女」,楊思琦 12年飛到美國加州投靠胞兄秘密生女。返港後每月要應付供樓及家庭生活費近 18萬的開支,思琦妹不惜返內地登台搵人仔幫補。

開高價放盤

「 Krystal𠵱家讀緊 pre school,思琦打算等佢完咗幼稚園就送佢過美國繼續讀,始終喺香港,又多狗仔隊,而且教育範疇都無咁好,佢諗好曬㗎喇!囡囡過到去 L.A.住喺佢阿哥度,阿媽會過埋去照顧,而思琦自己就喺香港搵錢。不過自從佢同豪仔分咗手之後,講真大家都知佢形象跌曬,曾經佢都講過只要搵到錢,就算同 Krystal一齊接 job都無所謂,點知都無聲氣。雖然佢係慳妹,不過養多個真係使多好多錢。所以思琦𠵱家打算放咗層樓套現先囉。」思琦密友透露。

面對沉重經濟負擔的楊思琦,現放售 06年以 393萬買入的 920呎泓景臺三房單位,由於單位仍有租客租住,故思琦先放暗盤。據知該單位有基本裝修,保養尚算得宜,開價 980萬比銀行估價高 3成,但思琦相信該屋苑大單位盤少價硬,故開價偏離市價願者上釣。

揸足 8年

思琦當日揸住嘅本田 7人車喺 06年用 24萬買入,用到𠵱家仲未換,真係慳妹一名!

孤清外賣

思琦只係買一個飯盒,夠佢食,咁楊母同 Krystal點算?

泓景臺

06年以 393萬買入 920呎單位,現市值 743萬。《蘋果日報》圖片

麗港城

08年 263萬買入 639呎單位

現市值 474萬

清水灣半島

10年以 651萬買入 1,368呎單位

現市值 893萬

「想個女生活好啲!」

11年思琦初時唔認同吳帥一齊,直到車廂斷正!之後就飛去美國投靠喺嗰邊生活嘅哥哥(小圖)。



內地辛苦錢

其實大台人工有幾好真係唔使多講,所以近年就有唔少藝人紛紛返內地賺人仔,好嘅就接到幾十萬一部劇拍嚇,衰極都可以登嚇台賺番幾萬蚊幫補嚇!

好似 35歲嘅思琦妹咁,因為生完 Krystal之後人氣大不如前,近年公司又唔重用佢,思琦唯有密密接內地登台騷,就算要俾人灌酒都冇 say。據知思琦每個夜場登台騷約收 8萬(包唱三首歌),飲兩杯、摸兩嚇,呢幾萬蚊真係辛苦錢嚟㗎!

剪綵

登台

《忽然 1周》圖片

各行各路

圖片

思琦妹喺香港教育學院學士畢業後, 01年參選香港小姐奪冠,而且攞到 6個獎項,係史上獲獎最多的冠軍佳麗;而同屆就有亞軍鍾沛枝同埋季軍朱凱婷。

無影 鍾沛枝

當選亞軍後曾參與《酒店風雲》及《天幕下的戀人》等,與無線 06年約滿後就轉到國內繼續拍劇,但 12年的倫敦奧運後,就開始消失娛樂圈。

最幸福 朱凱婷

當年得季軍的朱凱婷當選後曾參與劇集拍攝,由於識講日文、談吐又得體,後來被安排做節目主持, 10年已結婚並產女,絕對係幸福港姐。

最多撈 楊卓娜

楊怡家姐楊卓娜,同樣喺 01年參加港姐選美,當年只得創意合作獎。 09年親口承認懷有燈箱大王楊志翹 BB;而 12年憑《愛.回家》楊卓娜於 13年的「萬千星輝頒獎典禮」被提名「最佳女配角」,晚晚有份出鏡,勁爆騷。



鍾意就快D Share啦!
Related Posts Plugin for WordPress, Blogger...