[FACE 362] 唔騷趙碩之 法拉長洲黐中基 趙碩之,MF,

上週五（ 25日），法拉繼續為《神秘寶藏》開工，雖然同拍檔趙碩之冇乜偈傾，但同導演鄭中基就講到雞啄唔斷，就算周圍大把工作人員喺度，但一於少理， 2人照樣望住個海談心。

FBI

唔騷趙碩之　法拉長洲黐中基

已離開大台嘅陳法拉，一樣大把世界，最近仲埋到鄭中基堆，喺鄭中基同陳嘉上聯手執導嘅 8千萬大製作喜劇《神秘寶藏》做「女一」。

女神拗腰

上週五下晝，啱啱開工嘅法拉，等埋位其間拗腰伸展，盡曬「 S」身材。

上星期，《神秘寶藏》拉大隊入長洲開工， FBI一向都好支持法拉，所以亦特登到場幫佢打氣。上週四（ 24日），法拉同埋過氣𡃁模趙碩之一齊喺華威酒店附近拍外景。 FBI見法拉同趙碩之喺鏡頭前要扮曬好姊妹，一齊拎住蛋糕去開 P，但拍完後其實二人冇乜交流，講多兩句都嘥口水，反而法拉同在場嘅導演鄭中基鬼咁好傾，唔使埋位就一定企埋一邊傾唔停。

上週五（ 25日），法拉依然留喺長洲繼續拍。當日法拉心情特別靚，見到男主角黃子華出現，即變咗開籠雀，不停搵子華傾偈，但照樣唔騷趙碩之。法拉話就話係女一，但因為套戲啱啱開拍冇耐，所以佢喺戲中角色詳細係點仲未公布，但 FBI八到，法拉喺《神秘寶藏》內將一人分飾兩個角色，其中一個角色仲有多場打戲，法拉𠵱家已搵緊師傅學功夫，導演鄭中基仲叫電影公司幫法拉買定保險，有乜意外可以賠償。

疑似離咗婚，又離開咗大台，今時今日嘅法拉已經冇包袱，盡情搏命。

上週四晚《神秘寶藏》一班工作人員，喺長洲華威酒店附近拍外景，演員連燈光、攝影師及茶水等，超過 30人，仲由夜晚 10點拍到淩晨兩點，成晚都好熱鬧。期間鄭中基同法拉一直雞啄唔斷好好傾。

去到上週四下午，男主角黃子華到場，法拉終於搵到吹水對象。子華假假哋都係視帝，搵佢教路，對自己演技有幫助。

法拉掛住同黃子華傾偈，當日拍檔趙碩之亦有在場，但就有咁遠企咁遠，寧願自己一個望海景。

連日來法拉同趙碩之一齊拍唔少對手戲，雖然拍攝現場冇交流，但趙碩之玩自拍時法拉就同佢頭黐頭，呢啲咪「戲」囉！網上圖片

鄭中基將會去廣西為《神秘寶藏》拍外景 3個月，佢老婆余思敏話到時個女一定唔捨得，好掛住爹哋。

鍾意就快D Share啦！

下一篇 》