[FACE 362] 面試奇招 騎呢揀女 𡃁模除衫引天堂鳥 天堂鳥,BKD_S,MF,

上週日（ 20日）天堂鳥踩落 MK快閃又跳又唱主打歌〈登陸太陽〉，原先預咗會俾人噓嘅佢哋，問隊長 Gordon家陣有冇多 job咗，佢話：「暫時未收到通知，可能公司接咗未講」

真面目

面試奇招　騎呢揀女　𡃁模除衫引天堂鳥

MK-Pop組合天堂鳥上月喺 YouTube推出第一首主打歌〈登陸太陽〉，至今點擊率多達 91萬，雖然負評超多但起碼有人識。難得天堂鳥隊長 Gordon好樂觀：「預咗多人批評啦，不過都要做㗎！我哋 3個都係抱住『豁出去』呢 3個字去做囉！」

天堂鳥繼續豁出去，上週六（ 26日）乘勢搞咗個新 MV女角招募活動，當日現場包含大量騎呢女，其中做開𡃁模剝慣的 Donut成員林嘉欣，更即場拋咪， MK類果然物以類聚！

其他影片： >>試鏡豁出去

話曬近期都 hit緊，天堂鳥輕易吸引到近百少女面試 MV女主角，不過質素就參差啲！

天堂鳥今年 3月出道，首個 MV〈登陸太陽〉有郭富城禦用排舞師 Sunny Wong幫手編舞、林若寧填詞，可惜市民對天堂鳥的偽韓風唔多接受，勁多負評！

學生妹排隊

頭炮打得響，第二首歌都不能馬虎，上週六（ 26日）天堂鳥為新歌進行 MV女主角選拔賽，仲請來黃夏蕙和高皓正做評判。天堂鳥表示：「 MV有故事性，又有跳舞場面，想搵又靚又叻兼夠膽識嘅女仔。」

當日場面都算虛冚，有近百位女子參加，大部分仲係廿歲未夠，而且學生妹佔大多數，連評判之一嘅高皓正都忍唔住話：「不如你返去讀多啲書先啦。」

淡定

Donut女 Katrina初時密實到場，自我介紹環節仲好淡定，連夏蕙 BB（右）都睇得好入神。

突剝

點知去到第三關， Katrina突然剝衫，戰衣上陣，影過寫真集喺幾十人面前除衫都試過，呢啲小兒科

Katrina喺寫真入面都算係好搏，但寫真過後冇乜見佢蒲頭，唔怪得要去天堂鳥度搏一搏！

去年 Katrina以 Donut Girls名義，同 6個姊妹一齊出過寫真《 Inside× Donut》，佢哋當時就同另一剝模組合 AD2互寸撈版位！《蘋果日報》圖片

MV玩認真

好在面試當日並非個個咁 hea，曾是 MK𡃁模組合的 Donut成員林嘉欣（ Katrina），當日亦有參加試鏡，原本正正常常的 Katrina，忽然自動波除衫送秋波，現場記者和身為評判的高晧正即時「嘩嘩」大叫，而有份跟 Katrina試戲的天堂鳥隊長 Gordon亦相當興奮。講搶鏡，做得𡃁模當然訓練有數。

天堂鳥出道被評製作參差，連張敬軒都忍唔住踩一腳話：「我覺得製作水準唔夠好……唔好將即食文化帶嚟香港。」難怪今次天堂鳥新 MV玩認真，天堂鳥經理人表示：「 MV入面有三個女主角，但暫時仍未選定，要再開會同導演商量。不過對面試質素都好滿意！」問到隊長 Gordon有否被𡃁模拋胸嚇窒， Gordon笑說：「有少少啦，其實佢表現幾好㗎，起碼令到我哋記得佢，同我哋畫粗眼線嘅功效一樣啫，會唔會入選就要睇導演意思」 MK-Pop加剝模，學 Tommy當年嗒 Lavina呀？

自爆內定主角

曾經拍過綁架片扮流出，引起市民狂鬧嘅許芯悅（ Katie），當日著得好斯文去參加，自我介紹時，佢爆響口話係天堂鳥成員 Lincoln叫佢嚟嘅，即係內定咗

自拍綁架

去年呢條綁架片曾經引起市民恐慌，好在事後佢都有企出嚟道歉。網上圖片

做《怪談》女

Katie𠵱家間中會幫有線，拍住梁思浩做《怪談》，出鏡率唔少㗎！

天堂鳥三子自己都有份做評判，見到唔少畸呢參賽者真係忍唔住笑到肚彎，好唔俾面啫！

雖然冇重量級嘉賓，不過天堂鳥都請到高皓正同夏蕙姨嚟幫嚇眼，夏蕙姨仲話：「啲女仔幾好吖，好後生呀！」左一為力捧天堂鳥的創富文化集團總經理李永輝。

喺 YouTube唱到 hit曬，連《勁歌》都要請天堂鳥上去谷一谷收視。

天堂鳥零蚊維穩

本週四澳門 5.1維穩騷，本來孭重飛的藝人如謝安琪，張智霖、 RubberBand、周柏豪等相繼辭演，兩個 MK-pop代表天堂鳥和 Faith等組合則繼續出席。但據知今次澳門騷，天堂鳥原來冇錢收，義唱之餘仲分分鐘俾人鬧，天堂鳥經理人話：「因為我哋應承咗，所以唔想言而無信，我哋覺得今次只係一次單純嘅演出，唔應該涉及太多政治。」

演唱會海報一改再改，不變嘅係天堂鳥仍然處於右下角（紅圈）。

澳門維穩騷一波三折，名單改完又改，據知暫時由太極及杜德偉頂上，杜德偉更變成孭飛壓軸嘉賓，叫座力比之前明顯大減。

《蘋果日報》圖片

鍾意就快D Share啦！

下一篇 》