2014年4月30日 星期三

[FACE 362] 真人版 似足套劇𡃁版陳慧珊繼父有米  MF,陳瀅,陳慧珊




25/4睇 Chanel袋

屋企有米,陳瀅平時 shopping亦專攻名牌,上週六( 26日),便約埋 2位同門好友鍾浠文、 Taylar R黐住攻 Chanel。

真面目

真人版 似足套劇 𡃁版陳慧珊繼父有米

上週首播嘅中女劇平均收視 26點,最高只係 28點。大台今年靠班年過 40嘅阿姐孭飛,仍然吸引唔到師奶睇。

7位阿姐級唔想睇,反而一班少女版就吸引到巴打留意。其中𡃁版陳慧珊陳瀅同𡃁版李若彤陳嘉寶更加被巴打讚索,突圍而出!

大家都係靚女,可惜出身卻差天共地,陳瀅老豆做地產勁富貴,出入揸 Audi跑車,而陳嘉寶( Anjaylia)則住將軍澳公屋,同角色設定一樣,陰功豬!

大台新劇揾咗 7位美少女飾演劇中 7位女主角嘅少女版,除咗樣貌相似外,竟然出身背景都同角色好相似。好似邦民女陳嘉寶( Anjaylia)喺劇中飾演𡃁版李若彤,現實一樣曾是窮學生;而𡃁版陳慧珊陳瀅飾演有錢女,原來現實中亦相當富貴。

富家女形象清純,但在自家 ig內卻有不少泳衣相,騷少少巴打已經要搵法官大人!網上圖片

陳瀅於劇中飾演少女陳慧珊,估唔到大台新劇連角色背景都配合埋!《蘋果日報》圖片

陳瀅和陳嘉寶在戲中飾演好姊妹,不過一個富貴一個窮。

父擁六層商場

24歲的陳瀅,原名鄭鈺瀅。 20歲時自薦去 Starzpeople做 model,一入行即有機會拍唔少電視廣告。未拍劇前拍過 1DAY ACUVUE、 Pizza Hut廣告同幾部電影與柯震東、梁家輝等合作。只是今時今日,入行做新人,屋企冇個錢好難支持,好在陳瀅繼父相當有米。據知陳父喺廣州從事房地產,更在當地擁有一 6層高商場,分分鐘富貴過劇中角色。

雖然屋企有米,但陳瀅平時好低調。據劇組人員爆料:「佢唔係好想人知佢有錢㗎!冇人見過佢揸車返工,成日都搭廠巴。外景嗰陣照食劇組安排嘅叉雞飯,平時著衫都冇名牌孭喺身。」開工扮窮,但上週日( 20日)陳瀅出席完《女》劇首映禮後,就揸住價值 40萬嘅橙色 Audi離開,上週六,本刊亦發現她孖住 2位朋友,到銅鑼灣利園 Chanel濕平。

對於富貴家境,陳瀅答得相當避忌。她說:「我只係知家人喺廣州做房地產。其他大人嘅事真係唔知,但我出嚟做 model後,一毫子都冇問屋企攞。我𠵱家租住嘅地方同架車,全部用自己錢買,希望大家留意我做戲多啲哈哈。」富爸爸真偉大。

繼父喺廣州搞房地產兼有貨,陳瀅亦同繼父關係良好,早前一齊出席家姐嘅婚禮,陳瀅更留言說:「愛你 daddy」!網上圖片

去年陳瀅拍過隱形眼鏡廣告,之後又同男神柯震東一齊拍戲,機會算多。

20/4揸 TT跑車

早前陳瀅出席完新劇宣傳,便自駕價值 40多萬的 Audi TT跑車,車埋同隊 Super Girls成員吳嘉熙回家。

陳嘉寶住將軍澳屋邨

陳瀅真係富家女,而於劇中飾演少女版李若彤嘅陳嘉寶,在劇中做窮學生,現實原來亦自細在將軍澳寶林邨長大,中小學在邨內的迦密主恩中學以高考 18分的成績,考入樹仁新傳系。今年 24歲的 Anjaylia雖然做過𡃁模出過寫真,不過一向拒絕性感,禁影水著。純女一向係巴打女神,但 Anjaylia早前竟自爆跟一任職金融的「 E先生」拍拖,難逃私有化命運。

自細在將軍澳寶林邨長大,中學亦是在邨內就讀,日常生活好慳家,經常幫襯屋邨附近街坊鋪。劇中飾演少女版李若彤,戲份為 7位少女版之中最多。

《蘋果日報》圖片

'09高考以 18分獲樹仁傳理系收錄,在當年雲雲𡃁模中,成績算最好。





鍾意就快D Share啦!
Related Posts Plugin for WordPress, Blogger...