全城熱爆的娛樂八封新聞 & 時事趣聞 & 生活 + 趣聞
打扮好隨意，不過又口罩又金毛，仲有左手嘅潑墨紋身， FBI先認出佢係黃子華。
電影《神秘寶藏》（前名：《張保仔》）近日喺長洲開工，導演鄭中基、「女一」陳法拉仲有男主角黃子華上星期 keep喺長洲日拍夜拍。
好似黃子華咁，晨咁早就入咗長洲等埋位，其實 FBI初時都認佢唔到，事關佢為套戲而染咗一頭金毛，又戴上口罩，全靠佢一枝竹咁嘅身形（雖然比最瘦時已經肥咗少少喇！）同左手嘅紋身， FBI先認到佢。子華當日趁唔使埋位就單拖四圍行，舊式金鋪睇一餐，士多又停低望嚇，行行嚇又拎個電話出嚟㩒，十足自由行咁款。好彩子華冇周街派「金」啫。
子華應該少入長洲，面對住舊式金鋪，足足企咗 3分鐘至睇夠。
子華同法拉近日經常喺長洲出現，為《神秘寶藏》開工。
