全城熱爆的娛樂八封新聞 & 時事趣聞 & 生活 + 趣聞
上週四（ 1日）， 49歲張曼玉化身 rock婆出席上海舉行嘅《草莓音樂節》。雖然鵝公喉聲線嚇到觀眾離場，但曼玉姐一於少理，唱到瞇曬眼勁 high。你有你彈，佢有佢唱。網上圖片
49歲張曼玉攞過唔少國際影後獎，不過近年唔做演員，沉醉音樂做 rock婆。上週仲喺上海同北京同步舉行 3日嘅《草莓音樂節》開金口獻唱。
上週六（ 3日），輪到北京舉行嘅《草莓音樂節》，雖然曼玉一樣 rock住唱，但途中因刮大風仲落埋大雨，曼玉最後被工作人員強行拖落台。網上圖片
上週四（ 1日）上海演出時，原本好多歌迷都期待聽影後唱歌，點知曼玉姐一開口即嚇窒全場。尤其玩 rock翻唱鄧麗君經典情歌〈甜蜜蜜〉時，沉過男人聲嘅世界級低音，令唔少觀眾頂唔順離場，之後更有人笑佢係「聲癱」；到咗週六（ 3日），去到北京演出，現場突然橫風橫雨，但曼玉姐仍 high到唔想落台，仲大嗌：「我不想停！」。 FBI八到曼玉今次獻唱雖然劣評如潮，簽咗北京音樂廠牌「摩登天空」嘅佢，仍然會照計劃出碟，大家洗耳恭聽喇。
