馮仁昭四圍超：霆鋒《臥虎藏龍2》 扮玉嬌龍囝囝 - 馮仁昭
■霆鋒被邀請拍《臥虎藏龍2》，戲中演玉嬌龍個仔。
資料圖片
袁和平（八爺）執導嘅《臥虎藏龍2青冥寶劍》8月去新西蘭開機，呢部戲男主角只公佈有甄子丹同楊紫瓊，但電影公司最近又搵咗謝霆鋒同《西遊記之大鬧天宮》嘅女主角夏梓童加入演呢部戲。除咗呢啲卡士外，聽講仲想遊說上集演玉嬌龍嘅章子怡參演，之不過第一次搵佢演呢部戲時，佢已經推咗，但電影公司唔死心，想再試多一次，希望可以加強賣座陣容。不過章子怡好似興趣唔係咁大，加上佢下半年嘅拍戲期都排得好滿，接拍成數應該唔多高。
傳1500萬片酬
霆鋒會做羅小虎同玉嬌龍所生嘅仔，而夏梓童會做佢女友。聽講霆鋒接呢部戲收1,500萬人民幣片酬，由於呢部戲全英文對白，考慮演員時，首先要考慮演員本身的英文能力，咁霆鋒嘅英文講得唔錯，所以導演同電影公司都覺得佢幾啱演呢部戲。
不過下個月中霆鋒要同周潤發去泰國拍王晶嘅賭片，拍到8月頭先至可以去新西蘭會合大隊。霆鋒經理人霍汶希噚日承認有傾過呢部戲：「角色係上集章子怡個仔，但未落實，因為霆鋒檔期好難就。」
撰文：馮仁昭
■《臥虎藏龍2》又想遊說章子怡演，但相信佢接演機會唔大。
資料圖片
|
鍾意就快D Share啦！
|
|
|
