掃呢頁CODE去手機

2014年5月7日 星期三

[FACE 363] 豁出去 肉搏志偉  Paco睇中 《香港仔》裸女:露得好值得 蔡潔 志偉,黃柏高,Paco,蔡潔,BKD_S,曾志偉,MF,




今年 25歲的蔡潔,剛在澳洲墨爾本皇家理工大學完成創意媒體碩士,有樣有身材更加有腦。

真面目

豁出去 肉搏志偉  Paco睇中 《香港仔》裸女:露得好值得

彭浩翔搵女一向有眼光,先捧紅過爆炸糖 DaDa,今次喺新片《香港仔》中就搵嚟新女蔡潔,飾演曾志偉情婦兼有全裸床戲。

肉搏志偉有回報,蔡潔更被太陽娛樂的 Paco睇中,簽約力捧。有樣有身材兼係碩士生的 25歲蔡潔,聽到要拍裸露戲絕冇托手踭,她說:「我覺得露得好值得,好驕傲。」



其他影片: >>裸女初體驗










'13選過大台中華小姐,試過穿泳衣見傳媒時疑似露毛,結果 5強不入更沒有跟大台簽約。《蘋果日報》圖片

彭浩翔新片《香港仔》上週上映。除咗楊千嬅、梁詠琪外,戲中同曾志偉有大膽床戲嘅新人蔡潔亦相當搶鏡。其實蔡潔唔係無腦𡃁模,生於廣州的她,去年在墨爾本皇家理工大學創意媒體系碩士畢業,入行第一套戲就要全裸激戰志偉,難得強國女唔當一回事。

拒簽大台

拍《香港仔》前,蔡潔曾代表墨爾本參選 2013年中華小姐選舉,得到最受傳媒歡迎佳麗獎,但最終 5強不入。拒簽大台藝員合約後,返澳洲於一華人雜誌擔任編輯工作。原本已放棄入行的她,突然收到彭導開戲邀請,她說:「我嗰晚喺墨爾本,彭浩翔忽然打畀我,講咗《香港仔》嗰角色我知,佢講得好清楚、好大膽有床戲,亦講明對手係曾志偉,我即刻答應咗。因為我覺得合情合理。」得到彭導嘗識,全因蔡潔喺廣州暨南大學讀導演系時,彭導曾到該校演講而認識。「我屋企人都識彭浩翔,佢係我良師益友。」

被彭導睇中,蔡潔亦對自己充滿信心,事前亦冇翻睇其他女星床戲。她說:「彭導叫我唔好受影響,做自己就得喎!」最難得係肯坦白:「入行當然想人識。貪慕虛榮唔係壞事,有時係一種動力。」她亦深知拍脫戲會成為談論話題,她說:「希望大家唔好著眼脫唔脫,大家睇咗套戲就知點解。我覺得露得好值得,好驕傲。」有彭導又有 Paco撐,露得驕傲,但唔好未紅先驕就得喇!

性感護士

志偉在《香港仔》中飾演千嬅的醫生老公,蔡潔則飾演護士兼志偉情婦,所以在診所有激情戲,絕對合情合理。

投入肉博

蔡潔一早知要跟志偉有連場激戰,她說:「我前面做足預防措施,我只係大露背啫!」又稱不用清場:「清極都有好多人!」網上圖片

車廂激咀

除在診所激戰,蔡潔亦要在車廂熱吻志偉,蔡潔說:「希望大家唔好著眼脫唔脫」網上圖片

彭浩翔發掘蔡潔,再推薦畀 Paco,難怪蔡潔話:「佢係我良師益友!」網上圖片

早前《香港仔》搞首影,蔡潔有得同千嬅古仔和梁詠琪企埋一齊影相,夠曬受重視



鍾意就快D Share啦!