2014年5月7日 星期三

[FACE 363] 富豪揼水 楊秀惠轉行 楊秀惠,MF,




網上圖片

FBI

富豪揼水 楊秀惠轉行

近年愈來愈多藝人轉行,冇計,做藝員收入唔穩定,撈極唔紅,唔轉行轉番個靚運點得?

繼高鈞賢、譚小環之後,連楊秀惠近排都轉咗行,佢𠵱家代理緊一隻意大利牌子嘅美容瘦身產品, FBI上週去過佢呢間喺銅鑼灣嘅樓上舖。間舖大約 5百呎,暫時只賣 4種美容織體產品,價錢由 4百至 6百不等, 12年港姐冠軍張名雅都上過佢舖頭,張名雅同 FBI講:「我有用佢公司嘅產品,最鍾意係美白嗰隻……都會 keep住用同介紹俾朋友。」咁楊秀惠係咪打算收山唔做藝員?張名雅就話唔清楚。 FBI查過楊秀惠呢間新成立公司惠力控股集團有限公司,股東係楊秀惠同一間英屬處女島( BVI)註冊嘅公司持有。咁蹺 12年 6月楊秀惠就被發現同一葉姓富豪來往,佢出入嘅座駕正係由呢間 BVI公司持有。女人有男人「支持」,當然做乜生意都得

張名雅同楊秀惠一齊做扮靚節目,係好姊妹,秀惠開舖做老闆,點會唔支持?

楊秀惠間舖裝修簡潔,只係賣 4種產品。雖然睇間舖嘅 facebook好似見佢成日喺舖頭工作,親力親為,但 FBI連去 2日,都唔見秀惠坐陣。

蕭正楠都有份支持楊秀惠賣嘅太陽油產品,明星效應唔睇得少。

網上圖片

葉姓富豪

《蘋果日報》圖片

12年 6月,楊秀惠被影到坐寶馬 7系房車出入,身旁仲有呢位幾年輕嘅葉姓富豪。座駕嘅登記車主是「 Wilkinson& Coopers Assets Limited」,是一間 BVI公司。而楊秀惠的美容公司「惠力控股集團有限公司」亦係同呢間 BVI公司各佔一半股份。

《蘋果日報》圖片



鍾意就快D Share啦!
Related Posts Plugin for WordPress, Blogger...