情迷光頭男 Fiona送上門過夜？！
俗語有雲：「有其父必有其子。」房祖名身為成龍個仔，同樣都傳過唔少緋聞，最近
佢又喺台灣拖新歡斷正喇！
而又有另一句俗語叫做「物以類聚」，喺祖名身上都非常啱用。事關佢個傳咗N年嘅緋聞女友薛凱琪，都有新歡噃！有雜誌就報道阿Fi嘅新歡，係一位名叫Fergus Chow嘅光頭男。呢位Fergus，係音樂人，喺加拿大返嚟，簡直同阿Fi同聲同氣！個報道仲話前排阿Fi出完活動後，仲衫都唔換直接去人哋屋企「會情郎」，留到半夜都唔走o添！都喺人哋屋企過埋夜咯，唔知呢次仲會點「例牌否認」呢？
