《辣警霸王花》原先由江若琳擔任女主角，點知爆出與寰宇的合約糾紛，老闆林小明更出面指控。
真面目
執二攤 企硬停工 江若琳罷拍 Stephy補位
江若琳與前老闆林小明合約風波未明，江若琳率先出招罷演由寰宇接下嘅新戲《辣警霸王花》，擺明不合作。
新戲月底開拍，女主角仍然未定，電影公司已經嗌曬救命，四出物色新人選，初步鎖定 JM文詠珊同 Stephy鄧麗欣，據知新戲太陽娛樂有份投資， Paco愛將 Stephy勝算遠遠拋離 JM。拍開愛情小品嘅 Stephy，做打女又得唔得㗎？
新戲《辣警霸王花》由錢國偉執導，慣例搵來大批美女助陣，今次亦唔例外，有 Jeana何佩瑜、岑麗香、《香港仔》裸女蔡潔和李雲迪徒弟李元玲，女主角江若琳臨時唔拍， Stephy補位做女一機會極高。
二揀一
上月尾，電影公司安排一眾演員試造型，惟獨不見女主角江若琳的蹤影，由於當時江若琳正與寰宇為解約一事拉鋸中，所以仍未知會否演出。直到上週六（３日），本刊直擊《辣警》一眾演員 Jeana、岑麗香、蔡潔和鄭欣宜等到拳館操練，江若琳仍不肯埋位。
據監製黃永峰透露，江若琳已正式辭演，知情人士說︰「好似話打緊官司，合約期內接嘅工作，江若琳都唔會做住，電影公司就想用 JM，不過投資方就建議用 Stephy，其實兩個都唔係打得，但 Stephy以前拍開愛情片，如果做打女就有啲新鮮感。」
馬來西亞特訓
本週三（ 7日），大隊將飛到馬來西亞進行最後槍械訓練，月底正式開拍，一切如火如荼，據知導演會安排 Stephy中途才加入劇組。
本刊週一（５日）致電錢國偉，問到有關新戲女主角一事，他說：「其實𠵱家都有幾個人選！（有搵過 JM同 Stephy？）未講得住，想有咗決定之後先講。」而其他「霸王花」 Jeana和欣宜等都夾曬口供：「我哋都有聽過江若琳唔拍，不過唔緊要啦，總會有機會合作嘅。」
向 26年前師姐挑機
新戲《辣警霸王花》的故事及角色鋪排，其實喺倒模 1988年上映的《霸王花》，同樣是一班女子兵團組成「霸王花」的故事。八女當中，各有各睇頭，唔知欣宜會唔會有當年吳君如的影子？
柏安妮飾演的 Karen由 Stephy扮演，亦係戲份最多的角色， Stephy首試做打女，令人期待。
簡慧真飾演的阿琳由岑麗香扮演，新戲角色體能較一般「霸王花」隊員差，所以香香個角色都係搞笑成份居多。
吳君如飾演的 Amy由鄭欣宜扮演，有冇遺傳肥姐喜劇細胞？真係要睇過先知。
惠英紅飾演的阿 May由 Jeana演出，小紅姐一向打得， Jeana都唔敢怠慢練習。
|
鍾意就快D Share啦！
|
|
|
