網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月20日 星期五

[忽然1周 986] 林師傑車震𡃁模 Gwen 鄧穎芝捉姦在車 Gwen,林師傑,鄧穎芝,MW,




鄧穎芝 profile現年 29歲的鄧穎芝, 03年參加「全球華人新秀大賽」而入行做歌手, 04年獲得多個新人獎,推出過 4張唱片。今年自由身的她,早前隻身飛去上海為《中國好聲音 3》試音,最近仲為明年出碟而飛去美國學唱歌及跳舞,成名作有〈霎眼嬌〉、〈電光火石〉。

滾熱辣

林師傑車震𡃁模 Gwen 鄧穎芝捉姦在車

巨聲幫戇男原來個個擅長偷食,繼坤哥後,在大台拍處境劇扮乖仔嘅「木偶哥」林師傑,原來都係鹹濕仔。

上個月,林師傑與女友鄧穎芝分手,原因是𡃁模 Gwen介入。小三 Gwen更趾高氣揚,借 fb發「管仔論」及曬情侶鈪。鄧穎芝嬲爆怒掟林師傑之餘,更於 fb暗寸有人半夜車𡃁模去荒山野嶺車震。

求證鄧穎芝,她無奈表示︰「知道啲唔想知嘅嘢!」至於林師傑回應車震,則口窒窒︰「……俾啲空間我。」







𡃁模 Gwen係歌星韋雄(小圖)妹妹,他不時 post三點式引林師傑。

巨聲幫出身的林師傑因為拍處境劇,飾演「木偶哥」而人氣急升,大台近日安排他與湯洛雯有感情線外,更安排他出碟。個個月爆騷的他,事業順利更加鬆毛鬆翼,就算有正印女友鄧穎芝,一樣四出溝女。

親眼目睹車震

林師傑在《愛.回家》飾演木偶哥,喜愛戴木偶面具在街頭獻唱,近日他和湯洛雯更有一段感情戲,人氣急升。

其實鄧穎芝亦知林師傑花弗,去年她曾因發現男友偷食,主動向他提出分手,不過後來林師傑死𦧲箍煲成功。今年 5月,鄧再發現男友偷食𡃁模 Gwen,還親眼目擊兩人車震,終告忍無可忍,決定斬纜!

「 Vangie(鄧穎芝)好鍾意 Auston(林師傑),不過 Auston愈來愈過分,成日借開工為名早出晚歸。佢有幾多嘢做,大家都知嗰次 Vangie收到風 Auston泊咗架車喺西貢後山,佢去到嗰陣,見 Auston同個女仔喺後座攬埋一嚿,架車仲鬱嚇鬱嚇。 Vangie當堂嬲到震,跑過去開車門。見到兩條肉蟲喺度,佢嬲到講唔到嘢就喊住走,事後仲同個姊妹呻親眼見到有人車震!」知情者說。

偷食被撞破,「芝傑戀」即玩完。小三𡃁模 Gwen更在 fb曬情侶鈪,又發「管仔論」,令鄧穎芝㷫爆,還拖爆大鑊,揭發賤男友林師傑「車震」。據知剛分手的鄧穎芝終日以淚洗面,為免心軟,她更拉埋一班姊妹陪飛泰國及台灣,再去美國。

17/5小三埋身

初初識林師傑, Gwen已經主動埋身。近日踢走正印,她更大曬兩人大頭合照。

22/5曬情侶鈪

鄧穎芝喺網上呻自己唔識管男友, Gwen隔空寸爆:「幹嗎要去管男人?」又展示勝利笑容,兼大曬自己同林師傑的情侶鈪。

25/5攬仔挑機

三日後, Gwen再曬自己和林師傑的擁抱照,實行以眼神及動作,向鄧穎芝挑機。

林師傑情侶鈪

26/5正印還擊

一日後,爆出彭順偷食 Liddy事件,鄧穎芝藉此譏諷男友「相比嗰個人偷食,半夜揸車去荒山野嶺同個女仔喺後座唔知做咩,差幾皮!」明寸林師傑同 Gwen車震。

6月 2日,鄧穎芝從台灣散心返港。備受情傷的她,憔悴爆瘡,直認林師傑偷食。

狂愛巨聲幫

現年 25歲的林師傑由澳洲讀書返港,加入「巨聲幫」後被大台力捧,一大堆緋聞亦隨之而生。林師傑先後與同是「巨聲幫」的何雁詩及何紫慧傳緋聞,最近更越級溝港姐,認真有「鬥心」。

送禮追巧瑩

最近林師傑經常約今屆友誼小姐歐陽巧瑩到沙灘曬太陽,更不時主動留言撩女方。歐陽巧瑩近日在 instagram騷新頸鏈,疑似林師傑送贈。

關心張名雅

前屆港姐冠軍張名雅上周因病入院,林師傑第一個於 instagram送上關心。照計,林師傑同張名雅熟極有限,「熱情」得過分。

先拖何雁詩

2010年,林師傑與何雁詩在圓方商場拍拖斷正。有網民狂插林師傑在節目中自爆剛與女友分手,轉頭又追何雁詩。

提車震無名火起

6月 2日(周一),剛從台北散心返港的鄧穎芝,面容憔悴,面對記者,初時她避談與林師傑分手,但提起車震,佢明顯起火。

記︰點解分手?

鄧︰唔想講!你問番佢!

記︰ Gwen係咪小三?

鄧︰佢(林師傑)話係朋友吖嘛!我唔識佢( Gwen)!

記︰ Gwen喺 instagram留咗段「管仔論」,林師傑讚好喎!好似反擊你!

鄧︰你問番佢

記︰你 fb寸佢(林師傑)車震?

鄧︰好多人都係咁,冇指明係佢!

記︰據聞你見到啲唔想見嘅嘢?

鄧︰係囉!知道啲唔想知嘅嘢!

記︰你親眼睇到?

鄧︰可能係我自己問題,我好冇安全感……唔講嘞……唔想 hurt到佢屋企人。

備受情傷的鄧穎芝爆瘡兼謝曬,不過同一日林師傑卻心情靚爆,約埋今屆港姐歐陽巧瑩、後生版陳豪楊潮凱等人到赤柱漫步沙灘兼食飯。

傍晚七時,四人在赤柱大街的 Sea Front飲酒吹水。揸車的林師傑發現記者,隨即埋單,還走上前跟記者打招呼,輕佻話︰「想落水(遊龍舟水),好多人呀……我哋影張相先」

被問到與鄧穎芝分手,林即時搶著說:「我冇同佢哋(同行歐陽巧瑩及楊潮凱)講!」楊潮凱卻唔覺意爆:「佢冇嘢呀!頭先仲談笑風生!」

𠱁掂巧瑩

6月 2日,林師傑約港姐歐陽巧瑩到赤柱漫步沙灘。晚飯時,林師傑黐實女方不停發功,𠱁到歐陽巧瑩笑唔停口。

當歐陽巧瑩聽到記者問林師傑有冇「車震」時,佢即時彈開,仲搵埋藝員嘅楊潮凱隔住兩人中間。

林師傑口窒窒默認

今年情人節時,鄧、林仍然喺 instagram大曬恩愛。林師傑當時的留言冧爆女友。可惜得個講字,轉頭就同人車震。

記:鄧穎芝喺 fb聲稱有人車震,係咪講你?

林:……我都係 focus做嘢(口窒窒)

記:你係咪偷食搞到分手?

林:私人嘢唔講

記:咁你有冇車震?

林:……咩呀?俾番啲空間我

記︰第三者係咪 Gwen?

林︰唔係 Gwen,我哋其實唔熟!

記:你贊同 Gwen講嗰段「管仔論」?

林:……唔贊同……(咁你又 like佢?) like都係一個掣,我一係 like一係 comment。

記: Gwen都有你依家戴緊嘅情侶鈪喎!

林:唔知喎,我冇睇到……

再問到是否追歐陽巧瑩,林師傑立即驚青否認。「呢個真係唔係…(擰擰頭)我今日係第二次接觸佢,都係因為佢哋先識……」

問歐陽巧瑩,林師傑花唔花弗?她即置身事外:「如果係,佢已經追咗我」而原本表現雀躍的林師傑被記者問起車震事件後,心情跌曬 watt離去。風流梗要付代價!彭順有辦你睇

車震冇運行

唔少圈中人愛玩車震,梁榮忠當然係先鋒,呢位「車震始祖」偷食朱慧敏,不但震碎佢同鍾麗淇嘅八年感情,仲連事業都震碎埋。

梁榮忠 朱慧敏

05年,梁榮忠被傳媒拍到背住女友鍾麗淇,同朱慧敏車震。事後梁送朱返回銅鑼灣寓所時,朱慧敏衣衫不整。之後梁榮忠被封為「世紀賤男」,自此事業未有起色。

楊怡 羅仲謙

12年,羅仲謙午夜揸車到紅磡接載楊怡。在 40分鐘的車程,楊怡全程伏在男友的腿間。當時有記者衝上前拍照,但楊怡全程唔肯抬頭。事後兩人開記招澄清。



鍾意就快D Share啦!


Related Posts Plugin for WordPress, Blogger...