上周三（ 11日），黃日華與一班明星足球隊成員，到九龍灣運動場鬥波，其間他接受訪問時透露老婆梁潔華病情受控，「係不幸中之大幸。以前我好執著，依家我乜都化曬喇！」
娛樂喧
五次化療吊命 梁潔華：驚冇曬頭髮
去年底梁潔華被傳患血癌入院，但老公黃日華與女兒黃芷晴，夾曬口供否認梁潔華患癌，更指她只是患上白血病，短期內可以出院。
早前梁潔華被拍得再次入院，更指她暴瘦廿磅。無可奈何之下，黃芷晴終開腔承認母親患血癌。據知梁潔華患病半年來，已經五次進行化療，頭頂嚴重脫髮，病牀上喊住同老公呻：「我驚冇曬啲頭髮！」聞者心酸！
現時梁潔華因抵抗力低，要留院隔離，避免細菌感染。連日來頻撲探老婆的黃日華，精神相當憔悴，他向記者說：「生死有命，我睇得好化喇！」
周日（ 15日），黃日華女兒黃芷晴出席活動時，主動拿出手機，向記者展示梁潔華近照，並說：「其實呢半年來，媽咪康復得好好。為咗唔想大家擔心，媽咪叫我公開佢嘅近照。」相中梁潔華戴上畫家帽，身穿藍色大衣，雖然未至於傳聞中暴瘦般嚴重，但身形明顯比病發前瘦一個碼。
免疫力降至零
其實梁潔華發現自己患上血癌後，一直保持樂觀心態，希望擊退病魔。但奈何上天要試煉她的意志，血癌令她白血球下降，免疫力可以在短期內完全消失。為避免她受細菌感染，產生其他併發症，醫生勸喻她繼續留醫，出院遙遙無期。「佢（梁潔華）原本呢個星期出院，返沙田凱悅酒店休養。華哥仲搵人喺酒店房搞咗兩次消毒，但梁潔華病情有變，華哥只好日日繼續去醫院探老婆，真係好頻撲。」知情者說。
半年來，梁潔華經已進行過五次化療保命。從事保險業的她，雖然體會過種種生離死別，亦理解化療的副作用，但當她要真正面對時，仍難掩傷痛。「其實去到三月初第三次化療，佢經已冇咗六成頭髮。華哥知老婆唔開心，不停喺牀邊安慰佢，仲買咗好多頂帽送俾老婆。但第四次化療嗰陣，佢終於忍唔住，喊住同華哥講驚冇曬頭髮，真係陰功。」據知黃日華準備了幾個髮型與梁潔華相似的假髮，待她出院後幫她戴上。
黃：乜都整定嘅！
現時日日到醫院探老婆的黃日華，為避免老婆感染細菌，長期戴上口罩。上周三（ 11日），他戴住口罩到球場踢波，對記者說：「因為佢抵抗力比平常人差，我依家都習慣咗戴口罩，我依家喺清潔方面都比以前落咗好多工夫。」他透露老婆情況已經好轉，「依家等度數（白血球指數）升番正常就 OK，因為佢做完每一次療程，所有好同唔好（血細胞）都殺曬，遲啲升番就出院。出院後每星期都要覆診一次，睇嚇有冇需要加血小板等等。」
雖然梁潔華病情受控，但甩髮問題持續，黃日華對此亦承認：「佢嗰時話好擔心冇曬啲頭髮，我話唔使驚，個個都會出番㗎！啲藥過咗就得啦，過多半年會正常番。」老婆重病，黃日華亦因此事改變人生觀，「哎！乜都整定嘅！生死有命，我睇得好化！」
醫藥費昂貴
有指梁潔華患病以來，黃日華使了足足二百萬保住老婆性命。雖然醫藥費及其他開支相當昂貴，但梁潔華從事保險業，理應可以得到足夠賠償，填補費用。
醫院
梁潔華每次入院做化療至少三星期，五次化療共十五星期，加上黃日華為了老婆不被打擾，特登訂了單人病房俾她。
單人病房：
每晚$3千× 105日（ 15周）：約$31萬 5千
醫生費用：約$15萬
化療醫藥費：約$50萬
其他雜費：約$3萬
$99萬 5千
|
鍾意就快D Share啦！
|
|
|