[FACE 369] 上位易 周嘉儀姣底累事 小花陳嘉倩純樣攝位 周嘉儀,嘉儀,MF,

去年 3月周嘉儀被踢爆密會許方輝，男方其後被禁止再出鏡，周嘉儀則被勒令停職避風頭，復工後只能主持《香港早晨》，女神神話就咁玩完。《蘋果日報》圖片

真面目

上位易　周嘉儀姣底累事　小花陳嘉倩純樣攝位

大台新聞之花買少見少，去年周嘉儀被踢爆暗交已婚許方輝，最近再被指搭上人夫，人氣同形象跌落谷底，有得繼續做《香港早晨》已算好彩！

小花後繼無人，直至 23歲的陳嘉倩出現，憑超靚純樣俘擄民心，連高層袁志偉都要出手由 nowTV撬過無綫；而陳嘉倩跳糟到大台後，只係返幾個月通宵就調到中午吸客，明顯想捧佢接周嘉儀棒！

上月周嘉儀再被揭約會已婚男， 2人飯聚後男方開車送周嘉儀返回荃灣住所，不過花哥見單新聞冇乜殺傷力，並冇再向周嘉儀照肺。《壹周刊》圖片

陳嘉倩（ Katherine）幾個月前加入大台做主播，貫徹新聞部傳統新人先要捱通宵更，但仍冇阻其靚樣迅速引發網民討論，她亦在三個月內便被調到中午時段，被寵愛程度屬近年罕見。

老細睇中

其實陳嘉倩原本是 nowTV主播，去年中大畢業後加入，但冇乜人留意，任職半年唔夠便轉投大台兼做埋女神，原來全因被新聞總監花哥（袁志偉）睇中。據知情人士透露， Katherine在 nowTV一出鏡，其清純美貌和淡定的表現即引起花哥注意，花哥誓要撬她過大台：「花哥即刻問行家邊個識陳嘉倩，然後託人撬佢過無綫。」

不過陳嘉倩當時並非 now的普通員工，而是合約形式簽約兩年，不能隨便辭職。「 Katherine梗係想去無綫啦，但 now個阿頭又唔俾，花哥又係咁 push，拖拖拉拉咗幾個月，後來 now個阿頭見佢都冇乜心機留低做嘢，咪由得佢過無綫囉。」知情人士說。

大台變索

陳嘉倩初入大台要守夜，但其精神奕奕的狀態加上靚樣，旋即被網友叫嘉倩 BB。

now肥腫

網友批評 nowTV的化妝和燈光唔及大台，嘉倩 BB亦冇咁索，不過已經夠煞食啦。

總監花哥袁志偉（小圖）照住，陳嘉倩有機會做埋《周末主播室》主持，連星期六、日都有得出鏡。

cool爆孤獨精

雖然陳嘉倩靚樣夠煞食，但舊同事卻不太滿意她的性格，「佢好 cool㗎！唔同人講嘢㗎！喺 now嗰時已經係孤獨精，未見過佢笑囉，過咗無綫之後都係對住鏡頭就識笑，私底下同同事冇乜兩句㗎！」知情者又話：「佢初初過無綫返通宵更嘛，朝早見到周嘉儀返 morning，係咁意 hi一聲㗎咋，不過周嘉儀自從上次同許方輝單嘢爆咗之後，花哥只肯畀佢返《香港早晨》！其實花哥一直想另外搵個靚女鎮台，𠵱家陳嘉倩啱曬」

Katherine被調到中午報新聞後，花哥更叫她主持埋《周末主播室》，俾曬機會。而陳嘉倩亦有樣有內涵， A-level成績 1A2B2D考入中大英文系，又修讀德文及西班牙文，又學到六級古箏，美貌智慧並重。她又在 09年獲派做東亞運動會的禮儀小姐，負責遊泳項目，做主播後連 baby fat都冇埋，攝位做女神合情合理囉！

3年前本刊校園組訪問過當時仍讀中大的陳嘉倩，她說希望做主播，當時仍有點 baby fat的她已經話：「女人點解一定要靠男人至住到豪宅？」反港女性格抵讚。

愛扮 G.E.M.

Katherine（左）說過偶像是 G.E.M.，所以很喜歡扮金魚嘴，唔係鏡頭前報新聞咁嚴肅。網上圖片

親密男友

Katherine讀中大時有個拍拖多年的樹仁公管系男友，爆料人指她仍然有拖拍，但未見過她有男友接送，未知有冇換畫。網上圖片

撈港台

陳嘉倩於 11至 12年讀大學時兼職港台《 388放題》，當年已有網友注意她的靚樣。網上圖片

分秒必爭

有人上位自然有人讓步，陳嘉倩有花哥撐腰，出鏡多咗令其他主播或記者機會減少，影響出鏡率同人氣。

黃德藍　最影響

本來黃德藍在青黃不接期間被備受重用，靚樣亦受觀眾受落，但陳嘉倩被調到中午時段，剛放完大假的黃德藍只好被派到《香港早晨》，疑似被打入冷宮。

陳嘉欣　外形似

陳嘉欣雖非主播，依然是網民心中的女神，但自從陳嘉倩的出現，她的風頭被搶去不少，有網民認為嘉倩靚過嘉欣，有網民更說 2人好似樣，懷疑是兩姊妹。

葉昇瓚　男蝕底

女主播大亂鬥，冇乜人留意的男主播就更蝕底，花哥要捧陳嘉倩，連累做午間新聞的葉昇瓚要減少出鏡率，俾嘉倩攝位，讀得幾好都冇用。

鍾意就快D Share啦！

下一篇 》