戀情曝光又被拍得一齊喺沙灘拍拖，不過公司同家人都力撐，就算被人撞破二人都笑笑口。
《蘋果日報》圖片
真面目
愛得火熱 半同居入屋 蕭正楠帶翠如 BB見家長
蕭正楠同黃翠如拍劇撻著，雖然戀情曝光後，翠如 BB被屈做小三，又被蕭前度何傲芝暗寸「邪不能勝正」，不過「翠蕭戀」勝在有大台撐腰，經過一輪「消毒」，最新打算拍板由兩人做情侶檔吸金。
公司投支持一票，蕭正楠當然想將戀情繼續升溫。據知拍拖一個月，蕭正楠已經帶過翠如 BB見家長，蕭媽同蕭妹都相當 like黃翠如。公司撐家人又開曬綠燈，「翠蕭戀」愛得火熱，據知翠如 BB仲經常返蕭正楠屋企玩煮飯仔，咁快已經半同居，蕭公子好嘢！
37歲蕭正楠同 32歲黃翠如，因拍《師奶 Madam》而撻著，但被蕭正楠前度何傲芝一句「邪不能勝正」，差啲搞到翠如 BB形象破產，好在有大台發功，經過高層會議，「蕭翠戀」唔只見得光，仲要佢哋做情侶檔吸金。
撻著即見蕭媽
拍拖有大台撐，蕭正楠當然開心，不過佢最想快啲成家立室，話曬男方都到適婚年齡，加上蕭媽成日催個仔結婚，所以同翠如 BB撻著一個月後，蕭正楠已急不及待帶 BB見屋企人。
知情者說︰「以前嗰個拍咗成年拖都係見得一兩次，但呢次 Edwin（蕭）覺得阿媽一定 like翠如，咪帶佢見囉！結果阿媽同阿妹都 like爆。」
既然公司同屋企人都 like，蕭正楠當然想再加快腳步，想同翠如 BB先試下同居生活。不過翠如 BB一向乖女，鍾意黐屋企人，加上覺得仲未係時候，所以只係間唔中去蕭正楠屋企玩下煮飯仔。
前週日（ 8日），翠如 BB出席世界杯活動時表示︰「因為屋企人受到追訪，都想搵地方住，但又唔想同居住。」蕭公子努力啲喇。
飛走洪永城
翠如 BB最佳拍檔洪永城，二人經常情侶 beat做節目、接騷，不過真命天子一出現，情況唔同曬！據知大台想搵蕭正楠和黃翠如組情侶檔吸金，亦乘機推出二人孭飛嘅劇集《師奶 Madam》，大台梗係賺盡
|
鍾意就快D Share啦！
|
|
|
