[FACE 369] 多女圍 《巨聲》女黐埋身 鄭俊弘姜麗文炒大鑊冷戰 鄭俊弘,姜麗文,MF,

鄭俊弘上位後多次被拍得同薑麗文拍拖，兩人拍拖眾所周知，不過依然有唔少妹妹仔想埋阿 Fred身。

真面目

多女圍　《巨聲》女黐埋身　鄭俊弘薑麗文炒大鑊冷戰

人紅除咗新聞多，亦會多女埋身。憑《星夢傳奇》一炮而紅嘅鄭俊弘，由五綫藝員變大台新寵，拍劇、廣告冇停手，連打對台嘅女友薑麗文都被關注。

攀龍附鳳係人都識，早前被拍得同《巨聲》女王嘉儀夜遊斷正，據聞事後鄭俊弘已向女友報案。但薑麗文今次堅嬲，兩人冷戰已經成個星期，上週六鄭俊弘首次出席大台季選頒獎禮，完騷都係搵胡鴻鈞、吳業坤慶功，女友冇影。

10年參加《超級巨聲》的王嘉儀，與鄭俊弘夜遊大坑被傳媒撞破，身材激凸的王嘉儀索咗好多喎！

30歲鄭俊弘喺大台捱足 9年，上年終憑《星夢傳奇》一唱成名，總算捱出頭。之後被揭原來同秦沛女薑麗文拍拖。由於女友屬 HKTV，大台又霸道，搞到鄭俊弘唔可以公開戀情。

靠 WhatsApp箍煲

雖然同薑麗文戀情係公開秘密，但唔少姐仔都𥄫實鄭俊弘，希望可以一黐成名。早前鄭俊弘被拍得同《巨聲》女王嘉儀一齊出現喺大坑，事後薑麗文阿哥薑文傑句句有骨，他說︰「佢（鄭俊弘）紅咗預咗有好多女仔想識佢，小心識朋友啦，畀妹妹仔過橋做新聞就唔好。」

被指偷食嘅鄭俊弘，其實亦即刻打畀女友報案，但據知報導出街後，薑麗文嬲到熄電話，就算之後開番都唔肯接男友來電，兩人只用 WhatsApp溝通。知情人士說︰「 Lesley（薑麗文）雖然知道單嘢係流，只係覺得冇面，仲打俾喺加拿大嘅老豆投訴，呢次 Fred都有排煩！」據知薑文傑亦有幫口講好話，有大佬幫一幫，阿 Fred應該煲成功啩！

鄭俊弘𠵱家唔使做藝員仔，又劇接劇，拍完《商戰》又有《牛頭愛搭馬嘴》，仲傅同港姐亞軍蔡思貝撻著。

上週六（ 14日），鄭俊弘去完頒獎禮，與胡鴻鈞、鄭世豪、吳業坤一齊食茶餐廳慶功，不過其間木無表情，唔通為箍煲煩惱？

鄭俊弘同薑麗文拍拖多年，男方同秦沛關係亦好好，經常被拍得一家人食飯。《忽然 1周》圖片

鍾意就快D Share啦！

下一篇 》