[FACE 369] 開騷扮韓仔 福山自爆冇着底 MF,

為答謝港迷熱烈支持，開騷中途，福山揸住大炮射槍，射出大會 T恤送畀現場觀眾，搞到全場 high曬。

FBI

開騷扮韓仔　福山自爆冇著底

憑日劇《神探伽俐略》翻 hit中、港、台嘅型佬福山雅治，上週六（ 14日）起一連兩晚空降灣仔會展舉行首個港騷， FBI等唔切，第 1晚就去咗捧場。

首場觀眾大部分都係女 fans，福山當然唱盡冧女名曲，好似《神探伽俐略》主題曲〈最愛〉同鄭伊健曾改編成〈感激我遇見〉嘅原裝日文版〈戀人〉，之後福山更用一半國語唱出台劇《你照亮我星球》主題曲〈破曉〉，令現場觀眾拍爛手掌。

45歲福山，平時見佢斯斯文文，其實不知幾咁玩得，而且把口仲𠺘過油，當晚，福山不斷用廣東話讚香港歌迷：「好犀利呀！」，之後仲韓仔上身，用歪音廣東話大叫韓星必講對白：「一齊 high」不過最估唔到，係福山講日文自爆：「我到港當日，唔知點解香港媒體咁關心我會唔會著自己設計嘅底褲演出，其實我冇諗住著底褲㗎！」隨即用廣東話大叫：「冇問題！」其實福山一向愛講「有味」嘢，最經典係講過自己愛睇 AV，仲自爆試過在飛機上「打飛機」！猥瑣定率真？冇福山咁靚仔咁有才華就梗係咪亂講

跳

FBI預咗福山一定勁唱情歌冧港女，但估唔到 45歲嘅佢都仲活力充沛，唱出多首勁歌。自稱唔著底褲（咪同周傑倫一樣？）開騷嘅福山，唱到興起時跳起兼當眾自摸，如入無人之境。

摸

換衫時間，大會播出福山一張就快 2歲大嘅舊相。喺九州長崎出世嘅福山，話故鄉喺大戰時曾被原子彈破壞，當晚佢就唱出新歌〈樟木〉宣揚和平。

高大、靚仔、演戲掂、唱歌掂，福山其實仲好有音樂才華，呢晚佢就不時揸住電結他自彈自唱，有齊以上條件嘅歌手喺香港真係搵唔到。

鍾意就快D Share啦！

下一篇 》