[FACE 369] 何詩明哥大愛飯局 明哥,何韻詩,何詩,黃耀明,黄耀明,MF,

雖然夏天大概 7點至天黑，不過將近 8點孖住女助手準備去開餐嘅何詩，都未收埋副太陽眼鏡， FBI好難唔望多你兩眼喎！

FBI

何詩明哥大愛飯局

自從 12年公開同志身份後，何韻詩好似重獲新生一樣，唔單只公開同女友鄧九雲嘅情侶關係， 13年 1月仲聯同另一同志黃耀明成立非牟利團體「大愛同盟」（ Big Love Alliance），提倡以大愛同包容嘅態度，為同志爭取平權同保護各階層同志嘅基本權益。

何詩同明哥除咗齊齊代表同志發聲，原來私下都好 friend。上月尾， FBI就喺中環見到何詩同一位中性打扮女助手搵路，望真啲，原來女助手都曾經被《 FACE》報道過佢同林二汶係密友關係。何詩同助手結果去咗荷里活道一間西餐廳，之後黃耀明、郭啟華、郭嘅音樂人密友蔡德才仲有林建嶽前愛將鄺心怡同老公都陸續嚟到。一行 7人由 8點食到 11點，食完飯有幾位男士企喺門口食煙，何詩同鄺心怡就繼續雞啄唔斷，之後眾人再轉戰友人唐樓私竇繼續傾，唔通「大愛」又有大計？

晚飯期間，何詩同鄺心怡一齊坐，對方講嘢時，何詩仲不時望實對方，好留心。

明哥當晚約 8點半至到，一嚟到佢二話不說就點菜先。都啱嘅，叫好曬嘢食再慢慢傾都未遲。

當晚同何詩一齊去餐廳嘅中性打扮女助手，《 FACE》 09年就影過佢同林二汶行街街，二人仲齊齊返屋企。

成班音樂人晚飯，除咗何詩同明哥，仲有 Sammi、安仔經理人郭啟華，同埋佢密友蔡德才。

食飽飽，一行 7人行向擺花街，之後就上咗一幢唐樓，連走兩場都繼續傾，有乜大 project先？

鍾意就快D Share啦！

下一篇 》