掃呢頁CODE去手機

2014年6月18日 星期三

[FACE 369] 金毛子華趕住開波 子華,BKD_S,黃子華,MF,




除咗拍戲,子華都有出席活動搵嚇外快,要請鬱呢位視帝,聽講閒閒哋都要 6位數。

FBI

金毛子華趕住開波

講起世界盃商場騷, FBI幾時都覺得睇女好睇過睇仔,好似為拍戲染咗金毛嘅「視帝」黃子華,上星期都出席咗一個世界盃活動,作狀踢嚇波,當然冇一班女星波來波往咁吸引。

早排黃子華拍住法拉,為鄭中基執導嘅新戲《神秘寶藏》喺長洲開工,轉眼間,佢哋已經將基地搬咗上廣東茂名,好在國內落大雨無咩影響到拍攝進度啫。已經 53歲嘅子華為咗部戲染到一頭金髮,去到邊都畀人一眼望到,茂名趕劇,子華亦走兩場趕番落嚟香港出席世界盃活動,認真忙囉!向來鍾意低調嘅子華,睇怕拍完套戲就會極速染番黑頭,為 10月開嘅第 14個棟篤笑準備。

視帝保育

全港首個「 1600熊貓遊香港.創意×保育」巡迴展喺香港舉行,子華早排就同祖兒分別到深水埗唐樓嘅天台同紙熊貓影相,宣揚保育。

網上圖片

同法拉去到茂名拍戲,子華唔單只個頭夠搶,件迷彩外套都好 sharp醒,一定唔會走失

網上圖片



鍾意就快D Share啦!