2014年7月3日 星期四

[壹週刊 1269] 錢開眼 冇錢冇得傾 胡杏兒徐子珊被禁做義工 徐子珊,胡杏兒,子珊,M1,




探熱針

錢開眼 冇錢冇得傾 胡杏兒徐子珊被禁做義工

上月初, 1,600隻紙糊熊貓組團來港宣揚保育環境生態,圈中影帝、天後,甚至已退出幕前做少奶奶的,都抽空義助宣傳,唯獨電視台的花旦、小生,一個都無!據了解,有關方面其實一早問過無綫,想情商胡杏兒同徐子珊兩花旦伸出援手,但樂易玲揸住內部指示,「唔會益人唔會幫人宣傳」,以兩人「忙拍劇度唔到期」,落閘拒絕。

一味拖住

噏得出的歌、影紅人,對同一千六百隻熊貓合照約會,幾乎𦧲飯應。唯獨全港最大的電視台無綫,旗下花旦、小生全線失蹤。

「大會其實有同無綫經理人部門接洽過,想叫胡杏兒膽拖徐子珊幫手,但對方一時話拍劇期表未出,一時又話得兩個花旦畫面唔夠吸引,想加埋小生一齊影,大會都話冇問題可以配合,為咗今次熊貓 gathering,前後聯絡咗個幾月,但經理人部門都係無厘反應。」知情者說。

熊貓抵港日子逐漸逼近,大會唯有轉向不知來龍去脈的外事部求救。「外事部啲同事,都唔知道經理人部門原來拖咗人哋咁耐,雖然係慈善 job,但樂小姐揸住『唔益人,唔幫人宣傳』嘅原則嚟做,所以大家都唔敢揸主意,諗住拖到冇件事就算,無諗會驚動埋外事部。」一名無綫人說。

最終無綫正式向熊貓 say no,經理人更通知旗下經理人合約藝人,不要私下和紙熊貓合照,亦不要上載熊貓照到社交網站,免為對方宣傳。

乜都講錢,樂易玲揸正嚟做,拒絕讓公司兩大花旦拱照保育熊貓。

為宣揚保育,郭富城和楊千嬅分別抽空到馬場和天星小輪,同熊貓 gathering。

愈紅愈合作

無綫拒為宣傳保護生態出力,但一班比無綫旗下花旦小生更紅更忙的圈中人,卻一呼百應,當中包括郭富城同熊貓馬場密會,鄭伊健大清早去旺角行人專用區合照,千嬅同熊貓坐天星小輪,甚至已退出娛樂圈的黎姿都肯配合,同熊貓激光去黑眼圈。

「無諗過同呢班一線 artist合作可以咁順利,仲要愈紅愈肯幫手,好似張曼玉同舒淇,嗰段時間佢哋都唔喺香港,但都諗計事先影定配合,認真唔話得。」知情人說。



胡杏兒拍罷電影《失戀急讓》,等收通知埋位拍新劇《梟雄》,至於徐子珊則被網友踢爆與富二代遊米蘭,無綫口中兩位大忙人,其實好

得閒。

上週三唐詩詠不理公司 order,專程到中環 PMQ,同 1,600隻熊貓見面。

熊貓訪港期間,舒淇人在台灣拍電影,仍抽空幫手做義工。

小家無綫

無綫一台獨大,為了凡事以公司利益為先,無所不用其極,小家行為,甚至引起民憤。

唔播免費波

作為免費大台的無綫,今屆重奪世界盃香港轉播權,但只肯免費播 22場球賽,僅僅符合國際足協最低要求,令民怨四起;早前蔡卓妍(阿 Sa)請了大班朋友回家一齊睇波,點知無得睇,阿 Sa忍唔住在微博投訴。

唱好《西遊記》

黃金時段播膠劇《西遊記》,收視低見 19點,劣評如潮,無綫即在《東張西望》出招唱好,狂播宣傳片外更聲稱網民大讚,曲變直,激到網民鬧爆無綫選擇性失明。

排外捧自己友

10年,無綫因版稅問題與四大唱片公司反面,李克勤、陳奕迅、謝安琪等被封殺,禁在無綫出鏡;冇紅歌手上節目,無綫索性自家谷行巨星幫和親生仔,當年林峯得亞太區最受歡迎男歌星大獎,全城插爆。



鍾意就快D Share啦!
Related Posts Plugin for WordPress, Blogger...