掃呢頁CODE去手機

2014年7月3日 星期四

[壹週刊 1269] 翠蕭戀打擊唔食唔瞓 何傲芝急走 20磅 翠蕭戀,黃翠如,蕭正楠,翠蕭,何傲芝,蕭正楠,黃翠如,M1,




105磅

探熱針

翠蕭戀打擊唔食唔瞓 何傲芝急走 20磅

蕭正楠被踢爆拖新歡黃翠如返家纏綿六十小時後,高調在《東張西望》公開愛的宣言,再被拍到二人沙灘玩水;與蕭正楠拍拖三年的何傲芝,為免仍在無綫的胞妹何傲兒受牽連,故對被小三翠如硬撬、再遭狂插拜金,以及有馬主新歡揸手的打擊,一直採取守勢,不作反擊。

谷埋一肚氣,過去兩個月食唔安瞓唔樂,收埋自己的何傲芝為翠蕭戀瘦足

廿磅。

放唔低

無綫開綠燈,受到高層曾勵珍公開祝福後,蕭正楠跟小三黃翠如公然在微博傳情,又在公眾場合拖手,肆無忌憚。有人快樂有人愁,男友被撬又不獲無綫續約,據了解,對外死撐,但實則對前度依然放不低的何傲芝,這個月來不斷消瘦。

「男友俾人撬走, GiGi(何傲芝)都只係留咗句『邪不能勝正』,問佢有咩意思,佢只係話睇完《東張西望》一個訪問有感而發,唔肯直接解釋。其實佢都係為咗個妹著想,何傲兒仲係無綫人,如果公開反擊蕭正楠同黃翠如,佢驚公司會攞細妹祭旗。令佢最谷氣係俾人話拜金,如果真係咁鍾意錢,佢冇可能同蕭正楠一齊三年。老實講, GiGi有好多人追,好多都係專業人士,全部有錢過佢前度。」何傲芝身邊人透露。

9/2013

圓碌碌 125磅

何傲芝跟何傲兒自細跟老豆入馬場,故認識不少有米馬主。

蕭正楠跟黃翠如早前被拍到在淺水灣沙灘拖手漫步。



二月,翠蕭戀合作《師奶 Madam》撻著,有指電視劇本來計劃八月推出,因怕翠如 BB小三形象影響,現無限期延遲。

扮無事

何傲芝有苦自己知,胞妹何傲兒亦要擘大眼講反話,指家姐甩拖後心情已回復平靜。

「對住出面梗係咁講!其實 GiGi成個人縮曬水,佢本來有一百二十幾磅,而家得番一百零幾,瘦咗成廿磅。食唔到瞓又唔瞓到,谷住啖寃屈氣,又唔可以隨便同人呻,佢好辛苦。」

上週六(六月二十八日)下午,何傲芝相約朋友入馬場,對於甩拖後瘦足廿磅,她繼續唔敢講真話。

「我一直都有努力減肥,希望可以上鏡靚啲。(胃口如何?)我好好食慾。(心情呢?)件事(甩拖)淡化咗,都 OK嘅。」

對將轉會 now做主持,何傲芝說:「係呀,會幫 now做一個賽馬節目,係 live嘅,多謝關心。」

未甩拖前,何傲芝跟蕭正楠同居葵湧華景山莊,男方經常做司機載女友出入。

對家姐被飛一事「冇反應」的何傲兒,近日繼續有工開,拍劇外,又有機會做世界妹玩遊戲節目。

何傲芝跟胞妹感情要好,以往出席活動,二人會公開互嘴。

六月初,有指被飛甩的何傲芝轉嗒有米奀星張明偉(箭嘴),但二人事後否認,並在微博曬夾 band相,男方教女方彈結他。

愛過之後

物極必反!包括投入一段感情,愛得深、傷得重;感情受創,茶飯不思,激瘦落曬形,甚至出現情緒病,可大可小。

張栢芝

02年謝霆鋒再投王菲懷抱與張栢芝分手,經此打擊,栢芝短短時間內瘦剩棚骨,頸筋與額頭筋盡現,乾曬!

周秀娜

擁有魔鬼身材的周秀娜,去年承認與拍拖五年的男友陳偉成分手, Avis情陷 D奶尹蓁晞 Yumi,周秀娜一直擺出甩拖冇事姿態,但磅減 cup降,瘦得背骨激凸,十足厭食火柴人。

何超雲

何超雲與陳山聰分手後,一直在英國療情傷,更突然甩脂甩肉,極速消瘦 20磅索番。



鍾意就快D Share啦!