掃呢頁CODE去手機

2014年7月3日 星期四

[壹週刊 1269] 原裝景黛音 冇花冇假 景黛音,M1,




同你吟一吟

原裝景黛音 冇花冇假

鍾意喺微博曬凍齡靚樣嘅景黛音,最近俾人篤爆話美魔女全靠用美圖秀秀做手腳。早個禮拜,《壹》仔喺九龍城見到 51歲美魔女真身,仲有老公楊健恩做司機接送出動,退出娛樂圈就快三十年,但對鏡頭快速反應,鎖定鏡頭位置,通知楊健恩避開。

買完嘢,打道回府。返到屋企,景黛音唔換衫冇除超,第一時間自拍 PO上微博,仲留言:就是比你清楚,就是比你快多步。

八珍將《壹》仔現場影嘅相同景黛音自拍相對比,即係咁,用美圖秀秀唔少得,但美魔女對揸機角度、個頭點擺,應該都有一番研究。

點都好,《壹》仔雖然唔夠閣下快,但閣下啲紋深唔深,啲皮有幾鬆,都好清楚。仲有,冇加冇減,保證原裝。

正面側面有齊,冇做效果亦冇加柔鏡, 51歲,睇清楚,有紋有啲鬆,但絕不驚慄。

返到屋企,第一時間自拍放相上網,係都要快過《壹》仔,但講到清楚, sorry,你輸咗。

唔鍾意俾《壹》仔影到同老公合照,景黛音(圓圈)上車專登坐後座。

戴超唔影響景黛音眼睛搜尋功能,見到鏡頭,即叫老公楊健恩快閃。



鍾意就快D Share啦!