掃呢頁CODE去手機

2014年7月3日 星期四

[壹週刊 1269] 黎明求救張玉珊 衞蘭減肥先驗血




人字拖街坊裝打扮,肥腫衞蘭(左)夠嚇人,細妹衞詩無眉兼髮線上移,仲驚!

探熱針

黎明求救張玉珊 衞蘭減肥先驗血

○四年出道的衞蘭,憑聲靚唱得火速爆紅,成為黎明所創的 A Music省招牌頭炮。但往後的「迷幻交易」、包養 TB,加上原本得 108磅的身形不斷暴脹,今年約滿公司一度放棄和她續約,衞蘭要認曬錯,向老細黎明求情,才有機會留低。

保住份工,衞蘭首要任務——減肥。黎明搵成功幫過欣宜的張玉珊幫手,不過對方有條件,要衞蘭戒煙、驗血,保證健康瘦身,免金漆招牌有損。

自暴自棄

不斷膨脹再膨脹,衞蘭體重高達一百四十五磅,雙下巴粗腰巨躉有齊,影響工作量大減,連「金句王」老闆黎明都忍唔住開聲:「肥過部電單車。」

激嬲米飯班主,今年初約滿本來要「消失」;水桶衞蘭四圍𢱑撈,處處碰壁無路可走,她唯有向黎明認衰求情。

「呢幾年, Janice做嘢好冇心機好懶散,又唔理身世搞到自己肥曬,佢生得細粒,但肥到一百四十五磅,就算把聲再靚,都冇人想睇」知情者說。

全黑打扮也掩蓋不了衞蘭的虎背熊腰加巨躉。

衞蘭出道時身形纖瘦,樣子甜美,與現時差別極大。

養起成頭家

黎明發掘 Janice後,經常現身撐愛將。

已經三十二歲,加上五年前細妹衞詩在日本藏毒被捕後一直再無工作,靠衞蘭獨力擔家,如果黎明一句「唔要」,手停口停。

「兩姊妹而家搬咗去沙田住,租都要三萬蚊個月, Janice好擔心,所以同 Leon認錯,話以後會生性,又答應去減肥,日日食低脂代餐。 Leon最後答應俾多最後一次機會,話明如果今次都唔掂,叫佢以後唔使做!」 Janice身邊人說。

碌人情卡

續約 A Music三年,七月推出新碟的衞蘭,八月要埋位為年底的演唱會拍攝性感海報,時間緊迫,黎明於是出面打人情牌,搵成功幫欣宜減過一百磅的張玉珊幫手。

「 Leon今次親自出馬,但 Shirley(張玉珊)份人出名穩陣,因為兩姊妹俾人話係『迷幻姊妹花』,所以減肥前 Shirley要 Janice戒煙,仲要驗埋血。」知情者說。

返工一樣!衞蘭每日中午十二時便到修身堂做機,兩星期已經瘦了六磅,進展理想。

上週四(六月二十六日),衞蘭如常到尖沙咀做機,三小時後由 A Music工作人員陪同離開,坐公司車返回沙田寓所。

在家休息片刻,衞蘭衞詩兩姊妹一齊外出,坐邨巴到大圍火車站附近,買完蒸飯再到超市掃了大袋生果。

現場所見,對比高峰期磅數,衞蘭雖然清減不少,但仍然周身肉,一對黑眼圈大過對眼,驚!至於細妹衞詩,髮線上移情況比以前嚴重,加上冇曬幕前工作,大條道理不修邊幅,嘩!仲驚!

雖然瘦了六磅,但衞蘭依然冇腰面圓周身肉。

兩姊妹到大圍超市狂掃生果,一人攞一袋坐的士返家。

下午三時多,衞蘭由助手陪同離開修身堂。

衞詩出事拖累衞蘭人氣, 10年黎明便轉捧同樣賣靚聲的 JW。

大起大落

04年憑一把靚聲翻唱黎明舊歌殺入樂壇,衞蘭火速走紅,翌年更橫掃所有頒獎禮女新人獎項,並打入《叱吒》「我最喜愛女歌手」三甲。 07年,在紅館舉行演唱會大爆,變成廣告商寵兒,一度踢走天後容祖兒,做~H2O+代言人。風光日子只維持短短兩年,接二連三的負面新聞,令 Janice不堪壓力,一直暴肥,事業從此急速插水,人氣、工作量全面倒退。

搶容祖兒廣告

05年狂擸獎

是非孖女

衞蘭入行不久便迅速走紅,老闆黎明錫到燶,可惜她唔生性唔識珍惜,最終被公司雪藏兼勒令洗底。

包養 TB

06年與 TB女助手傳緋聞,顧住玩、唔開工,助手因而被炒,但二人關係持續曖昧,有傳女助手更遷入 Janice寓所,令公司非常不滿。

迷幻歌手

07年爆出一段「迷幻交易」短片,指有女歌手在住宅後樓梯作毒品交易,兩姊妹被捲入迷幻名單中。

玩自閉

飽受負面新聞影響, Janice在家中玩自閉,一直以病為由拒為新碟錄音,最終辣㷫老闆黎明,被無限期放逐。

藏毒事件

09年妹妹衞詩在日本藏毒被捕,隨即遭公司解約,更連累家姐 Janice失寵,老闆黎明將公司資源轉投「模 art」 Janice Man身上。



鍾意就快D Share啦!