2014年7月3日 星期四

[壹週刊 1269] 密操兩個月 傅穎大執再砌過 傅穎,M1,




自知年紀不輕的 Theresa,為了 keep住身形及迎接新開始,近兩個月狂操肌肉。

探熱針

密操兩個月 傅穎大執再砌過

五月約滿星皓電影後,傅穎( Theresa)決定暫時不與其他經理人公司簽約,主力內地發展的她自己接 job。

回復自由身, Theresa為求有更好的狀態迎接新開始,兩個月前跟健身教練操肌,由本來一百一十二磅減到一百磅外,更將肚腩操到變腹肌,今個月再戰香港,埋位拍戲。

九月三十歲

已入行十年的傅穎,決定作出改變,無論事業和身體,都要好好管理。「 Theresa而家都係自己接嘢做,有時身邊朋友會幫嚇佢,喺娛樂圈都十年,九月就三張,佢知道自己唔可以一成不變,例如一向唔鍾意做運動,早兩個月就走去跟健身教練操肌,要 keep好身形同健康,日日舉重又做引體上升又跑步,結果俾佢成功踢走個肚腩仔,仲由一百一十二磅減到一百磅。」 Theresa身邊人說。

舉啞鈴

引體上升



小肚腩



曱甴肚

球場傾新戲

上星期四(六月二十六日), Theresa與一名男子結伴到灣仔新伊館睇籃球甲一組聯賽捧「飛鷹」場,其間二人有傾有講,十分熟絡。

「嗰個係電影監製黃永峰( Charlie),之前同 Theresa合作過《熱浪求愛戰》,佢哋傾七月拍嘅向西系列電影《含忍•死人•的士佬》,因為 Theresa要飛返北京,所以索性約埋睇比賽喺球場傾,都傾到七七八八, Theresa七月中會返嚟香港埋位。」

26/6

Theresa與電影監製黃永峰齊齊到灣仔新伊館,撐飛鷹籃球隊比賽。

比賽開始前,黃永峰拎出文件與 Theresa密斟,傾了大約一小時。

電影《含忍•死人•的士佬》在本年初已開記者會公布關楚耀擔正做男主角, Jeana、 HotCha等人亦有份參與,一直未開拍,是因為女主角未定人選,據知,現由 Theresa擔任。

新劇做女一

剛於上海拍完電視劇《午夜蝴蝶之廖國香篇》的 Theresa,專程返香港出席活動,逗留四天又要動身飛北京。

「 apm原本搵 Theresa幫手做一連串嘅世界盃活動,但佢要喺上海拍劇,佢係女主角,劇組又唔肯每星期放佢返嚟一次,拍完套劇本來係要直接飛北京,但 Theresa都專登改一改,飛返嚟同世界盃吉祥物設計師一齊做 apm活動。雖然以內地工作為主,但 Theresa都唔會放棄香港,有得做就做。」知情者說。

剛在上海拍完《午夜蝴蝶之廖國香篇》的 Theresa,首次擔正做土炮劇集女主角,心情緊張又興奮。

本年初, Theresa抽時間從北京回港,客串由陳嘉上執導,鄭中基主演的電影《張保仔》。

在內地發展的 Theresa,除了拍劇拍電影外,更不時四處去唱酒吧騷賺人仔。



鍾意就快D Share啦!
Related Posts Plugin for WordPress, Blogger...