2014年7月31日 星期四

[FACE 375] 爛仔交 橫洲工業打波變打人 隊長被捕 余文樂冚實 余文樂,BKD_S,MF,




余文樂一手創辦橫洲工業,明星效應下多位甲組球員加盟,據知籃總本有意將橫洲工業停賽,但睇在余文樂帶動本地球壇有功先改為禁止部分球員參賽,至截稿前,籃總亦未回覆。

真面目

爛仔交 橫洲工業打波變打人 隊長被捕 余文樂冚實

余文樂出名靚仔夠潮又好波,搞隊橫洲工業係威係勢,出場例必潮童潮女墟冚撐場,𡃁界一號男神冇得輸。

不過打波呢味嘢你風頭愈盛對手愈想砌低你,最近本地籃圈就爆出橫洲工業在去年一場比賽後,當場跟對方大打出手,要出動警察調停之餘,據知當時余文樂都在場,但因被隊友阻止而未有郁手動粗,但有傳係余文樂表弟兼橫洲工業隊長的張永佳,及另外一名隊友亦被落案起訴,還有多名球員被籃總停止再參加旗下比賽,孭住廣告代言在身的大佬余文樂,梗係要封鎖消息,臭史密冚不過醜事傳千里啦,連前甲一組隊安青球員、現屬球隊 Love& Peace成員的寫真肌男張嘉偉( Karl)亦話:「有聽過佢哋打交,好似係幾個月前嘅事,仲聽講有幾個球員唔俾再參賽,所以佢哋隊波𠵱家唔係好夠人。」







打交事件發生後,余文樂用盡努力叫 fans和潮流雜誌記者友好隻字不提,半年都冇再打比賽嘅橫洲工業,星期日( 26日)參加咗一個私人聯賽,同另一隊名不經傳嘅球隊喺九龍城體育館比賽,但當日橫洲工業連埋後備球員僅得 8名球員作賽,而本刊翻查區域法院檔案,確有一跟橫洲工業隊長張永佳同名的人,被控襲擊致造成身體傷害罪,對此張永佳說:「嗰啲唔係打交!(聽聞你被人落案控告),冇……我諗你哋自己查吓」而橫洲發言人說:「嗰次唔係用橫洲工業個名,係用 WCI(橫洲 B隊!),其他嘢唔回應」你分得清啫,不過 WCI明明係橫洲工業英文( Wang Chau Industry)縮寫,街外人入晒橫洲工業數都合情合理喎!

余文樂一向十分信賴橫洲工業的一班兄弟,尤其被傳為他表弟的張永佳,逢拍廣告例必預佢一份。

每年 8月橫洲工業都有橫洲工業×水動樂比賽,但上週六( 25日)樂仔卻在 Instagram內自稱「好可能係最後一年」,冇晒心機咁款。

傳係余文樂表弟嘅隊長張永佳,同余文樂由細玩到大感情勁好,對於球員打交,他只說:「嗰啲唔係打交!」

週日橫洲工業掛正牌頭打私人聯賽,全隊得 8人出席,雖然對手弱,但點睇都冇晒霸氣。

周栢豪同余文樂兩大潮神曾經落力 sell球隊產品,但有傳栢豪溝隊友細妹令樂仔大怒,周栢豪一度缺席橫洲工業操波,而周栢豪則透過經理人說:「橫洲工業啲嘢我哋唔會回應!」

搞波唔通又同你講咩?

余文樂搞橫洲工業搞到有聲有色兼有贊助有錢搵,圈中好多籃球友都嗱嗱聲自組球隊唔蝕底,不過聲勢就同橫洲差好遠囉!

nuts

代表:張繼聰、方力申

曾經想加盟橫洲工業的張繼聰,因被嫌棄球技未夠班而同方力申自組球隊 nuts,雖出過產品,又招攬本地球星香振強同潘志豪協力,可惜常規球員方力申等實力太差,一直搞唔起。

Love& Peace

代表:陳偉成、吳浩康、張嘉偉

由娜姐舊仔陳偉成領軍,其餘成員仲有 Niki男友徐正曦等,組成以來戰績欠奉,每次有 fans只因隊員夠大隻,打完波除衫騷肌吸引到一班妹仔死跟。

Heros

代表:阿感、翟威廉

清一色為大台藝員,由阿感(黎國輝)發起,個個牛高馬大卻四圍約中學生打波,但輸波率極高,被籃圈中人譏為細蝦大球隊。

ATTA

代表:鄭世豪

大台訓練班組合,奀無可奀,基本出賽冇人當係同星打波,號召力低過零。



鍾意就快D Share啦!
Related Posts Plugin for WordPress, Blogger...