掃呢頁CODE去手機

2014年8月22日 星期五

[忽然1周 995] 閨蜜 MW,




啜面珠

吳若希同葉翠翠每次錄節目前,定必自拍合照,相信大把宅男呢刻好恨做葉翠翠塊面珠。

博出位

閨蜜

人生有個真正朋友,的確好極。不過娛樂圈中佛口蛇心嘅人大把,要搵到交心知己並非易事。但係凡事總有奇蹟,既然反佔中遊行人數都可以話有 11萬的話,藝人又點會搵唔到閨蜜先得㗎!

葉翠翠吳若希姊妹淘

女星唔一定要鬥上位,其實都可以做好姊妹。好似葉翠翠同吳若希兩個九唔搭八嘅人,就因為一齊主持大台綜藝節目而變成閨蜜。有高登女神之稱嘅吳若希,直情喺微博講到出口話「好喜歡葉翠翠」,仲連晒多張親密合照。宅男,死心

手指指

做姊妹嘅嘢,最緊要動作一致,真係有今生冇來世。

玩撞臉

近日有指佢哋兩姊妹愈來愈似樣,都有間尺鼻同 V面。報道出街後,佢哋冇嬲之餘,仲齊齊影張撞臉相。

好聲音 friend咗

第三季嘅《中國好聲音》有唔少香港歌手入圍,話晒人在異鄉,港人應該發揮互助互愛精神,互相扶持。所以葉劍英孫女 Robynn加埋 Kendy,就同啱啱入圍嘅鄧小巧成為老友,齊齊拍住上,為港人爭番啖氣。

佢哋每星期返內地錄影節目之餘,當然順便約埋開餐。

鐵馬兵團

閨蜜唔一定女士專利,男士都需要講心嘅!好似長期喺內地搵人仔嘅鄭嘉穎,一返到香港就會搵班好友聚下。

適逢呢個月係佢 45歲牛一,一班曾經同佢拍過《鐵馬尋橋》嘅藝人,就特登搞生日 P。《鐵》劇已經 5年前嘅事,估唔到大家都幾長情喎!

兄弟幫壽餅

佢哋好有心思,特登搵人訂造《鐵》劇造型嘅生日蛋糕。



鍾意就快D Share啦!