[忽然1周 995] 余文樂家有喜事 余文樂,MW,

高低立見

媽咪姐

余文樂家有喜事

上周六（ 16號），媽咪姐去咗灣仔修頓室內場睇余文樂領軍嘅橫洲工業對戰由香振強、劉子健等甲一球員帶領嘅跨世代球星隊。現場所見，樂仔全場只係拎得兩分，不過佢搵咗打過 NBA嘅中國國家隊隊員易建聯做外援，所以全場球迷都 high爆，最後仲以 101對 87win咗。

當晚余文樂老友彭于晏都係座上客，樂媽一見到彭于晏即刻捉住合照。開心事一浪接一浪，賽後樂仔突然幫隊友陳守健向妹妹余文琪求婚。樂仔，幾時到你先？

易建聯同余文樂坐喺度時，大家可以平起平坐。點知一企起身，即時高低立見，似足大人國與小人國。

樂媽集郵

當晚都有到場嘅樂媽，變身集郵專家，影完一個又一個，睇佢箍到彭于晏幾實。

樂仔未來妹夫兼隊友陳守健即時將同未婚妻余文琪嘅甜蜜相放上 instagram。 Oh， so sweet！

鍾意就快D Share啦！

下一篇 》