[忽然1周 995] 冰桶挑機 群星找數出奇招 MW,

挑戰規則係每人找數後，可向 3個人挑機。嘉玲就揀咗林青霞、鍾楚紅同軟硬。噢！好想睇呀。

媽咪姐

冰桶挑機　群星找數出奇招

呢幾日個 fb涼浸浸！猛俾明星藝人各出奇謀玩「冰桶挑戰」嘅片段洗版，連媽咪姐班靚太 friend都玩埋一份，個個攞桶冰水照頭淋。查實呢個活動係為 ALS肌萎縮性脊髓側索硬化症（俗稱「漸凍人症」）患者籌款，好有意義呢！媽咪姐都淋咗一身冰涼，善有善報，福有油雞呀。

其他影片：>>冰桶挑戰　天王天后爭住找數
>>同性密友鋪路　嘉玲大手筆投資西九畫廊

劉嘉玲　最霸氣

48歲嘅劉嘉玲，呢次被向太陳嵐挑機，從容接招！着住一身貴氣豹紋裝束嘅佢， set晒頭、化行妝喺 studio俾大桶冰水照頭淋。嘩！好霸氣呀……個妝！完全無甩。影后，用邊隻牌子先？

劉德華　認真 mode

以勤力見稱嘅牛華，連水同冰都要自己抬上天台。喺維港靚景襯托下，作多角度拍攝，靚仔樣全面睇。係唔明劉天王點解全程都講國語啫？ CCTVB無派人監場噃。

親身經歷

拍過《艋舺》嘅台灣導演鈕承澤都有接受「冰桶挑戰」，其畫家父親鈕驊就係「漸凍人」。鈕淋完冰水講述父親喺佢童年時發病手震，到佢 19歲嗰年父親失去自理能力，住院十幾年後離世，「讓我們能夠多關心這個世界其實沒有停止過的苦難，也能夠多珍惜自己擁有的幸福。」共勉之。

容祖兒　被搶鏡

着件珠片衫嘅容祖兒，本來應該好鬼 sharp。不過，幫手淋冰水嘅肥版 Spider man實在太吸睛。望吓背景，應該係天后間豪宅嘅露台，嘩！個夜景靚到，好葡萄呀。

楊千嬅　火頭多

做咗人妻嘅楊千嬅依然貪玩，特登準備咗兩大桶冰水，喺屋企樓下停車場照頭淋。除咗為慈善，仲可以一次過挑 6個人機！佢好豪氣咁嗌咗余文樂、何韻詩、許志安等 6個藝人名。咦，點解漏咗「十嫂」 Sammi嘅？

謝霆鋒　強國式 chok

身在內地宣傳嘅謝霆鋒，被祖兒挑機，佢用強國花花洗臉盆裝冰水，全程 chok住講國語。但最興奮嘅，反而係圍觀嘅強國觀眾。套用強國人用語：「心情非常激動啊！」

張家輝　對白精

戴超睇緊強國報嘅張家輝，亦被容祖兒挑機，俾人淋完 1桶冰水，佢話：「做善事， 1桶邊夠呀。」再淋 1桶，佢依然鎮定：「咁就差唔多。」咁就要淋第 3桶嘞！「嘩，咁又多咗啲！」影帝，咪呢啲囉。

古惑仔團隊　最豪情

鄭伊健帶領嘅《古惑仔》團隊，排晒位喺天台接受挑戰，但最爆嘅係佢哋淋完仲排晒舞唱：「叱咤風雲我任意闖……萬眾仰望……」嗯……係凍到走音嘅！哈哈哈！

G.E.M.　贏件衫

Woo，有圖有真相，不解釋啦。

葛民輝　配套癲

俾劉嘉玲挑機嘅阿葛，查實晨早已經過咗冰河嘞！仲係特登搵個大型垃圾桶裝冰水，淋足成分鐘。凍到癲呀。 Well，林海峰， where are you？

鍾意就快D Share啦！

下一篇 》