啜面珠
吳若希同葉翠翠每次錄節目前，定必自拍合照，相信大把宅男呢刻好恨做葉翠翠塊面珠。
博出位
閨蜜
人生有個真正朋友，的確好極。不過娛樂圈中佛口蛇心嘅人大把，要搵到交心知己並非易事。但係凡事總有奇蹟，既然反佔中遊行人數都可以話有 11萬的話，藝人又點會搵唔到閨蜜先得㗎！
葉翠翠吳若希姊妹淘
女星唔一定要鬥上位，其實都可以做好姊妹。好似葉翠翠同吳若希兩個九唔搭八嘅人，就因為一齊主持大台綜藝節目而變成閨蜜。有高登女神之稱嘅吳若希，直情喺微博講到出口話「好喜歡葉翠翠」，仲連晒多張親密合照。宅男，死心
好聲音 friend咗
第三季嘅《中國好聲音》有唔少香港歌手入圍，話晒人在異鄉，港人應該發揮互助互愛精神，互相扶持。所以葉劍英孫女 Robynn加埋 Kendy，就同啱啱入圍嘅鄧小巧成為老友，齊齊拍住上，為港人爭番啖氣。
鐵馬兵團
閨蜜唔一定女士專利，男士都需要講心嘅！好似長期喺內地搵人仔嘅鄭嘉穎，一返到香港就會搵班好友聚下。
適逢呢個月係佢 45歲牛一，一班曾經同佢拍過《鐵馬尋橋》嘅藝人，就特登搞生日 P。《鐵》劇已經 5年前嘅事，估唔到大家都幾長情喎！
|
鍾意就快D Share啦！
|
|
|
