2014年8月22日 星期五

[忽然1周 995] 飛起阿徐開公司 陳奕迅孖霆鋒做老闆 阿徐,謝霆鋒,霆鋒,陳奕迅,徐濠縈,MW,




嘆啡密斟

日前,陳奕迅相約謝霆鋒到跑馬地邊嘆咖啡邊傾合作。兩人離開時心情大靚, Eason更加雙手托腮極風騷。

娛樂喧

飛起阿徐開公司 陳奕迅孖霆鋒做老闆

不少藝人未雨綢繆,會預早計劃後路,創業做老闆。娛圈中成功創業,打出名堂的表表者非謝霆鋒莫屬。本刊收到消息,就連陳奕迅都打算孖實老友搞音樂製作公司。

陳奕迅上月到台灣電台做訪問時突然自爆兩年後退出樂壇,及後又澄清,他並非退休,而是調整以後的工作,慢慢減產。據知 Eason計劃減產背後,其實是想轉型仿效霆鋒,一邊做老闆,一邊繼續歌唱事業。

今次 Eason創業,更飛起老婆徐濠縈,與候任經理人甘菁菁合資開公司,再與霆鋒的「 PO朝霆」合作。上月 Eason和霆鋒更於跑馬地咖啡店商討搵銀大計,實行有錢一齊搵。







阿徐獨擁 2.3億巨宅

徐濠縈去年尾用個人名義以 2.3億購入壽臣山豪宅 Shouson Peak單號 D洋房,冇預老公份。如今 Eason開公司亦冇預阿徐,都算打成平手。

陳奕迅近年主力搞世界巡迴演唱會及音樂創作,全世界四圍飛。上月他去到台灣宣傳國語專輯,做電台訪問時透露 2013年一張專輯銷量,竟然只有 900多張,又表示完成與環球唱片合約及兩張專輯後,便會淡出娛圈。

急為退出解畫

Eason退休的消息一出,不單嚇親粉絲,亦令有意接洽他的客戶卻步。為免影響幕前工作, Eason隨後急於澄清,指 900隻唱片銷售是指廣東地區三個月的銷量,所以並不是唱片不受歡迎。而自己亦只是想暫別樂壇,好好休息調整工作,慢慢減產,並非全面退出。

據知在休息背後, Eason早已有全盤轉型計劃,他一心以老友霆鋒為模仿對象,建立自己的公司。知情人士透露:「 Eason見霆鋒間『 PO朝霆』搞電影和廣告幕後製作搞到有聲有色,做老闆又可以兼顧幕前工作, Eason當然心郁想做老闆佢睇中大陸市場夠大,不過要喺內地做生意要有番咁上下人脈先得。呢方面霆鋒一早建立好人際網絡,有老友幫手加埋自己喺樂壇嘅地位,合作開音樂製作公司一定 no problem!」

嘆唱片滯銷

Eason早前表示推出的《 The Key》唱片只賣掉 900張,表示打算兩年後退休。由於外間反應太大,事後他再解畫,指只想減少工作,而 900張亦只是廣東地區三個月的銷量。

先與甘菁菁開公司

Eason決定同霆鋒合資搞公司前,首先要過老婆這一關。知情人士又指:「霆鋒知道阿徐好多意見,佢同 Eason傾合作嗰陣話唔想阿徐參與。所以 Eason為咗𠱁老婆,早排咪豪擲 2億幾買壽臣山嗰間豪宅,間屋仲淨係寫阿徐個名。」除此之外,今年初 Eason經理人陳家瑛宣布即將退休,明年起會由前商台助理總經理甘菁菁接棒擔任其經理人。而 Eason已經暗地裏與甘菁菁成立「 ESL Limited」公司,為跟霆鋒合作做準備。

合資搞公司如箭在弦,早前本刊獨家拍攝到 Eason、霆鋒於跑馬地嘆咖啡傾合作事宜。二人討論近半小時,發現記者後 Eason更登上霆鋒座駕,轉移地點至 Eason位於曉廬的寓所。本刊記者就跟霆鋒合作一事問過 Eason,他表示:「你哋問乜我都唔會答,你哋自己鍾意寫乜就寫乜!」雖然 Eason講完等如冇講,不過種種跡象顯示,歌神有心「升呢」做老闆。

返家再傾

其後兩人發現記者,隨即登上霆鋒的日產七人車,一同返回 Eason位於曉廬的寓所繼續傾談合作事宜。霆鋒逗留五小時才離去。

新公司 Eason佔 60%

甘菁菁身為前商台高層,曾在《叱咤》頒過獎給 Eason,兩人亦相識多年。雖然甘明年才正式擔任 Eason經理人,但月前已合組公司,為日內在商界大展拳腳鋪路。資料顯示該公司 Eason佔六成股份,甘則佔四成。《蘋果日報》圖片

任《鋒味》嘉賓

霆鋒和 Eason多年老死,合作無間,早前 Eason更任霆鋒飲食節目《 12道鋒味》嘉賓,先在維園賣雞蛋仔,又街邊食豬大腸,還到馬騮山餵馬騮,十分落力。難怪有錢搵,霆鋒都預埋老友《蘋果日報》圖片

PO朝霆 年賺過億

PO朝霆於 03年成立,主要從事電影及電視廣告的後期製作。霆鋒表示 02年拍攝〈玉蝴蝶〉 MV時,發現大部分的本地製作公司水平有限,意識到本地後期製作行業的機會。他更指,當年為成立公司,以自己的身家做抵押。

時至今日,霆鋒的投資回報已經超出他的預料,由創業時 11名員工,擴展成現時過百人(左圖), 09及 12年更於上海及北京設立分部。據知行內一直視 PO朝霆為優質保證,佔香港本地後期製作市場近五成,每年利潤高達過億港元。 Eason將有機會跟 PO朝霆合作,相信大把錢搵。

圖片

霆鋒 03年開設「 PO朝霆」, 8年後才對外承認。現時香港總部位於銅鑼灣開平道。

公司為不少廣告做過後期製作,如可口可樂(左)以及 Eason為主角的麥當勞廣告等。



鍾意就快D Share啦!