怒打衰仔祖名凌空飛5米 成龍真係咁堅？
「房東」衰涉毒被捕，成龍就喺微博度話：「教子無方。」而日前就有雜誌報道話，
阿仔祖名衰涉毒成龍嬲到震，個封面仲大大隻字寫明：「成龍就怒打衰仔凌空飛5米！」冇錯呀，你冇睇錯，係5米！咁究竟有冇可能呢？而5米撞擊又係點嘅呢？我哋搵嚟有「理大伽利略」之稱嘅盧覺強解構，盧Sir就話：「假設佢重量係69公斤，飛出個時速就每秒5米，拳個力就非常大，去到成382磅！」382磅？！「巨無霸」奧尼爾上報NBA嘅體重都係325磅，聽到都夠恐怖盧Sir續說：「382磅撞擊力大約等如一張電腦櫈喺5樓跌落街，或者等於一架的士以時速1公里撞埋石壆。」
事情咁離奇，當然亦有網民開PO討論，不過寫啲嘢，真係你少啲專業都睇唔明呀。不過簡單啲咁諗，根據非正式統計，拳王泰臣一拳大約有400磅力左右，而我哋偉大嘅武術大師李小龍一拳都係大約得350磅。學「理大伽利略」話齋，凌空彈5米要成382磅力，咁即係話李小龍都唔得咁不嬲以靈活見稱，而唔係以力見稱嘅成龍，都應該唔得啦掛！再者，個報道內文話飛彈5米，只係祖名細個曳曳，被成龍掟向5米外嘅梳化度。咁睇怕呢個只係個傳說
|
鍾意就快D Share啦！
|
|
|
