2014年8月22日 星期五

[忽然1周 995] 杜德偉鑽鵰慶回歸 杜德偉,MW,




喺演唱會最後, Alex即場晒「鑽鵰」,仲示範 chok下體動作教生仔:「冇佢冇下一代!」

媽咪姐

杜德偉鑽鵰慶回歸

當媽咪姐一知道杜德偉( Alex)開演唱會時,即時四圍打鑼搵飛,唔前唔貴唔係握手位兼抱抱嘅都唔要,點解?咪就係因為 Alex對上一次開演唱會已經係 21年前,咁明白點解會咁渴求

話晒 Alex屬前輩級嘅殿堂歌手,唔單止有我媽咪姐呢啲姐級捧場,仲引嚟勁多老死㖭!好似有梁家輝一家、豆豆兩公婆、千嬅同丁子高、再加個前度女友周汶錡,第二場仲有前前度嘅吳君如。好彩 24歲嘅老婆仔 Ice(李曉冰)完全唔介意,佢喺現場仲不時大晒冧樣。鬼咩? Alex一連兩場演唱會都喺台上講愛的宣言:「結婚後人變開心了,沒有娶錯老婆……冇咗你,我冇咁幸福,真係想再娶妳一次。」想唔冧死老婆都唔得

Alex為咗配合佢首〈脫掉〉,臨完場前仲一邊唱一邊除衫,最後除剩一條閃到爆嘅三角底褲,尖叫聲完全蓋過啲音樂囉!冧完老婆再冧 fans, 52歲嘅杜德偉,掂呀!

怕晒醜

Ice聽到老公喺台上不停講愛的宣言, Ice真係冧到呢,簡直要暈鳥。

冧到暈

第二場,老婆仔 lce已經忍唔住,要走到台前近距離望實老公個型仔樣先得。

騎喺咁有型嘅電單車上, Alex突然玩伸脷,係咪咁萌呀!

Alex雖然已經 52歲,但喺台上又唱又跳,依然活力十足。

天后影帝 high到爆

千嬅家陣已經係人妻兼人母,但當佢見到自己兒時偶像,即時粉絲上身要求同 Alex抱抱。

大家唔係眼花,今年 50有 6嘅梁家輝,佢同 Alex基本上係同一個年代出身,睇佢喺現場自 high跳老舞,爆!



鍾意就快D Share啦!
Related Posts Plugin for WordPress, Blogger...