全城熱爆的娛樂八封新聞 & 時事趣聞 & 生活 + 趣聞
湯唯同老公金泰勇早前低調嚟咗香港影婚紗相，不過頭紗要佢自己拎，有啲呢 hea。
上個月公布喜訊嘅湯唯，周二（ 19日）就透過公司微博發放消息，話佢同韓籍導演金泰勇已經喺雙方家長見證下，低調完婚。消息公布當日，佢哋已出發去美國度蜜月㖭！
咪睇湯唯一切從簡，由禮服、婚紗相到禮餅，佢都要求用港貨。早前，佢哋就低調嚟咗香港影婚紗相，而金泰勇所着嘅禮服，指定要用本地洋服品牌度身訂造。餅家仲為咗湯唯特別暫停部分月餅生產線，幫佢整嫁女餅。土豪咗啲喎！
湯唯同金泰勇嘅禮餅包裝，特別搵專人設計，將佢哋個名嘅簡寫「 TW」同「 TY」融入「囍」之中。
周二（ 19日）湯唯同金泰勇由韓國仁川機場出發，第一站去美國洛杉磯，然後再去歐洲度蜜月。
