[FACE 378] 梁齊昕斬阿媽塊面 梁齊昕,CY女,MF,

梁齊昕經常 po自拍相上 facebook，喺 8月 12日， 689生日當日，佢就 po咗張扁嘴相上 fb，唔知係咪又被老媽子激親。不過佢其實係話自己肚餓。（網上圖片）

全知言

梁齊昕斬阿媽塊面

一時𠝹手、一時話厭世，上星期仲話「跳樓吧」、「死，驚什麼」，全知言雖然同好多香港人一樣唔 like梁振英，但禍不及妻兒，齊昕嘅留言真係嚇一嚇全知言，好彩佢之後將留言刪走，人冇事，暫時。

上星期二（ 12日） 689生日（農曆鬼節出世），齊昕難得做番次乖女，返屋企（即係禮賓府）食飯、又送個平板電腦俾父親大人做生日禮物。不過乖唔得晒，擺上面書上一家三口合照，就 cut咗梁太半邊面，擺明唔多想老母個樣出現喎！

齊昕 po嗲哋生日食飯相，相中有 689、阿哥同阿妹，偏偏相中右下角嘅媽咪唐青儀就被佢 cut咗半個頭，心水清網友即留言取笑。

上週五凌晨，齊昕又喺 fb po可怕留言，留言冇耐被剷走。希望齊昕只係講吓笑，唔好真係諗埋一邊。

齊昕 po咗張佢哋 3兄妹送咗個平板電腦禮物畀 689嘅相上 fb。

鍾意就快D Share啦！

下一篇 》