掃呢頁CODE去手機

2014年8月20日 星期三

[FACE 378] 栢芝唞暑 霆鋒開爐 霆鋒,謝霆鋒,MF,




已經信主嘅栢芝,今次返港亦帶住十字架頸鍊,以表虔誠。

全知言

栢芝唞暑 霆鋒開爐

已經同兩個仔 Lucas同 Quintus移民新加坡嘅張栢芝,最近趁兩個仔放暑假,帶咗佢哋返港,等佢哋探吓嗲哋霆鋒、爺爺謝賢同拉姑等屋企人,當然間中都會同佢哋去吓短線旅行啦。上星期,仲被全知言喺銅鑼灣發現栢芝帶住兩個仔,仲有兩個女性朋友行街買衫。

講開又講,不知不覺 Lucas已經 7歲, Quintus都 4歲,即將喺 8月尾就會舉家返新加坡準備開學,栢芝為咗 Lucas可以方便照顧細佬,刻意安排兩兄弟讀埋同一間國際學校,一來湊返學放學可以一 take過唔使佢兩邊走,二來兩兄弟放假時間又可以一樣。栢芝向來都鍾意帶住兩個仔四圍旅行,兩個仔同日放假,就唔使為遷就假期頭痕

上星期謝霆鋒同 Mani現身澳門新濠天地,為蒲點「蘇濠」進行開爐起鑊儀式,仲即席炮製「蘇濠撈起」。霆鋒話希望喺澳門開設「鋒味廚房」,作為創立飲食王國第一步喎。《蘋果日報》圖片

細仔 Quintus已經 4歲,正值最活潑階段,栢芝要不時喝停佢,叫佢唔好週圍走。

玩玩吓又眼瞓扭抱,做阿媽嘅又要即刻抱仔,少啲體力都唔得。

已經 7歲嘅 Lucas開始定性,栢芝 shopping完,佢自己乖乖哋上車。



鍾意就快D Share啦!