掃呢頁CODE去手機

2014年9月18日 星期四

[壹週刊 1280] 梁詠琪四個月肚曝光 梁詠琪,M1,




孖住老公 Sergio同狗女 Luna散步的 GiGi,素顏下依然省鏡。

探熱針

梁詠琪四個月肚曝光

鄭中基太太余思敏、謝天華太太 Tina輪流宣布有咗,星二代陸續有來!至於早前傳出造人成功的 GiGi梁詠琪,雖然未有親口承認喜訊,但已全面停工。養胎第一的梁 Gi,日前同西班牙籍老公 Sergio在數碼港拍拖放狗,穿上白色薄身連身裙的準媽咪,腹部隆起,四個月肚遮唔住。

一日嘔到黑

一一年下嫁西班牙籍老公 Sergio後,現已三十八歲的梁詠琪一直積極造人,其間卻因為片約一部接一部,影響生育大計。

「 GiGi好想生,但一旦有嘢做,佢又會好投入,有時做到瞓都冇時間,莫講話造人;我哋有叫佢人工受孕,快靚正。但 GiGi話有冇小朋友係緣分,唔想夾硬嚟。」梁詠琪身邊人說。

今年五月, GiGi同老公到美國旅行放假充電,回港後又為 Eric Kwok演唱會做嘉賓,完全未有察覺,原來已經「中咗」!

「 GiGi返到香港,做埋 Eric Kwok個演唱會都唔知自己有咗,之後仲走咗去坪洲客串劉偉恆套新戲《王家欣》,後來見自己無端端會作嘔作悶,以為感冒去睇醫生,先知原來有咗!」

終於成功!與梁詠琪結婚三年依然 sweet爆的準老豆 Sergio,每日放工第一時間飛車返屋企陪老婆,日前又帶埋愛犬 Luna,陪大肚婆到數碼港公園散步。

穿上白色連身裙的梁詠琪,四個月肚已清晰可見,老公全程拖實,散步時 Sergio又會錫啖老婆,好溫馨。

「 GiGi有咗後,一日嘔到黑, Sergio係讀食品研發,識得幫老婆設計大肚婆餐單,又會下廚煮兩味,加埋 Gi媽啲湯水,我哋都忍唔住笑 GiGi個肚似有五、六個月咁大。」

公園散步,遇 fans要求合照,素顏 GiGi無托手踭,老公 Sergio在後笑晒睇實老婆。

公園人來人往,情到濃時, GiGi同 Sergio一於好少理,照嘴。

佗 B四個月的 GiGi肚凸凸,話有咗五個月都有人信。

推獎推片約

畢竟已經三十八歲,為了好好養胎,以及實踐生夠三個才「收工」的目標,梁詠琪決定全面停工,忍痛推掉三部片約,其中一套更是中韓合資的大片。

「之前傾落嘅商演同登台,都全部推晒,起碼唔見成千萬,不過搵錢幾時都可以,生仔真係唔拖得。」梁詠琪身邊人說。

緊守傳統「三個月」封口令,梁詠琪一直未有公開認有咗,卻因不停推 job,消息不脛而走。

「 GiGi套《香港仔》喺今屆英國萬象國際華語電影節本來好有機會攞影后,主辦開晒口請 GiGi飛去倫敦,但大肚婆想唔想佗住個肚坐長途機撲來撲去,乜都推,大家都知咩事啦。」知情人說。

GiGi有份主演的《香港仔》在英國「萬象國際華語電影節」有望奪后,但準媽咪為養胎一口拒絕。

七月為 Eric Kwok演唱會做嘉賓的 GiGi仍不知自己已經成功懷孕。

混血 B收視高

混血 BB特別生得好樣可愛,藝人出品的混血星二代,受歡迎程度也特別高。

鍾麗緹

43歲的鍾麗緹,先後誕下三個女, 16歲長女 Yasmeen是跟第一任比利時裔丈夫所生, Yasmeen得媽咪真傳,似足初出道時的鍾麗緹。

劉燁

06年與「法」妻結婚的內地男星劉燁,近日參與內地真人騷《花樣爺爺》,三歲兒子劉諾一和兩歲女兒劉霓娜首度在熒幕曝光,大受網民歡迎。

亞歷山大( Alexandre)

人氣爆燈的台法混血兒亞歷山大( Alexandre),得三歲人仔,但已有 80萬 fb粉絲。

吳彥祖

去年 5月,吳彥祖與摩納哥出生的名模 Lisa S誕下千金 Raven, B女容貌於微博曝光後,即獲網民大讚超可愛,眼睛超大,五官標緻,集合父母的優良基因,成為小 model。



鍾意就快D Share啦!