[忽然1周 1002] 「露鳥男」田中聖 死𢱑博翻身 田中聖,BKD_S,MW,

優倖田梨紗將田中聖「興奮露鳥」相賣俾雜誌，呢一招，同警察向學生兜口兜面噴胡椒噴霧一樣咁毒。

出外埠

「露鳥男」田中聖　死𢱑博翻身

日本尊尼事務所旗下組合 KAT-TUN成員田中聖自出道後，麻煩多多，不單亂搞男女關係，又喺夜店秘撈，前年仲因為搭上 AV女優優倖田梨紗，之後俾女方出賣，將佢嘅「露鳥」相四散㖭。

事務所忍無可忍下，舊年 9月將佢掃地出門。被炒魷後嘅田中聖雖然一直諗計密謀復出，可惜冇咗尊尼嘅光環射住，演藝事業瞬間摺埋。今年 7月就傳佢跟女星高岡早紀阿哥高岡賢太郎做鴨搵食。上星期二（ 30號），佢又突然宣布組成咗走搖滾風嘅新樂隊「 INKT」， 1號喺 YouTube推出「 INKT」新歌〈 Trigger〉，但即刻被插，話佢抄襲另一搖滾組合「 ONE OK ROCK」。頭頭碰着黑，田中聖真係露錯「鳥」咯！

田中聖喺 KAT-TUN組合一向都係我行我素，而且有傳佢一直有鋪「露鳥癮」，同離隊單飛嘅赤西仁一樣咁難搞。

今年 3月，田中聖傍住導演品川祐一出席沖繩影展為新片《三分之一》試水溫。當日一頭鬈髮嘅田中聖顯得好風騷。

田中聖（右三）做主音嘅「 INKT」先被指抄另一樂隊「 ONE OK ROCK」；繼而又俾人話歌迷會入會費過高。睇嚟佢翻身之路真係艱辛。

鍾意就快D Share啦！

下一篇 》