全城熱爆的娛樂八封新聞 & 時事趣聞 & 生活 + 趣聞
有老婆仔女探班，甄子丹開心到不得了，影親相都要攬實一對仔女。
為人父母，最掛心梗係自己嘅心肝寶貝。早前去咗新西蘭拍《臥虎藏龍 2》嘅甄子丹，同老婆仔女冇見幾個月，當然掛到肺都甩
而佢老婆汪詩詩見對仔女又係成日話想見爹哋，於是索性帶佢哋過去探班。唔使講，丹爺見到寶貝仔女同老婆，梗係開心晒於是特登抽時間一家人去玩，見佢去到邊都笑到見牙唔見眼。所以話，乜都係假，只有屋企人最重要。
囡囡甄濟如冇見老竇兩個月，一見面即刻黐到實，仲不停幫爹哋影相。果然係前世情人。
甄子丹有家人陪足兩個禮拜，日日心情靚到暈，即場跳高擺甫士，叫老婆影相。
甄子丹同老婆汪詩詩出晒名恩愛，經常攬實玩自拍， sweet到漏！
