2014年10月10日 星期五

徐子珊變臉眼袋消失 徐子珊,子珊,




無綫花旦個個索爆,要穩佔一線位置除靠實力外,靚樣亦非常重要!2004年港姐冠軍出身的徐子珊身為當家花旦,但仍不會鬆懈,Keep住變靚!昨日子珊出席活動時,就被發現變臉,面形比以前緊緻之餘,連眼袋亦消失無蹤!

穿上白色Tube Dress晚裝長裙的徐子珊,露出白滑玉背,高貴大方。

姚書軼大方分享微針美容心得,指可令皮膚美白又光滑。

笑面

徐子珊五官比以前標致,昔日的熊貓眼變得眼仔睩睩。

正面

側面

今年五月

徐子珊昨日與內地女星高圓圓、藝人岑麗香、名模姚書軼、Jocelyn、Cara G.及趙嘉懿等齊出席《莎莎婦女銀袋日》揭幕活動。艷壓全場的子珊身穿白色Tube Dress晚裝長裙,再配上白色羽毛小禮帽,華麗脫俗!隨着走紅而衣着品味日漸提升外,化身「羽毛仙子」的子珊靚樣亦持續進化!

斷言否認整容

現年35歲的子珊近日成功撇甩Baby Fat,昔日的包包面不再復見,連眼袋亦一併消失,面容緊緻無瑕,明顯為靚樣下過一番苦功!其實,2004年港姐冠軍出身的子珊,近年愈見成熟嫵媚,早於上周三出席電視劇《以和為貴》拜神儀式時,面龐已明顯比以前緊緻!精緻面孔加索爆身材不斷升呢,難怪一度獲網友封為性感女神!

神采飛揚的子珊昨日出席活動後接受本報電話訪問,提到會否擔心被懷疑整容時,她斷言否認兼指是因睡眠不足而面腫:「梗係唔係依家拍緊劇集《以和為貴》,好攰搞到塊面有啲腫。」活動上,子珊被問及同公司的高海寧(高Ling)近日備受失實報道困擾,她即為高Ling大呼不值:「都咁多年,兩年前同一單新聞同一批人,戥高Ling慘!女仔做嘢辛苦,自食其力畀人睇,點解要抹殺我哋,相信公司會保護我哋。」

姚書軼微針美容

同場的姚書軼活動後透過電話回應子珊變靚一事:「冇乜好認真研究佢,就咁睇唔係好覺同電視有咩唔同,好似肥咗啲塊面?」更力挺微調屬正常事:「做藝人好需要,如果真係可以接受,藝人24小時保持最好狀態在人前,靠機器微調保持最佳狀態,係一件好正常既事,唔好同以前分別好大。」她更大方分享微針美容心得。另外,有份出席的趙嘉懿於活動後在Facebook藐爆一名徐姓女藝人冇禮貌,本報致電查詢時,她只說:「我唔會講!總之我冇話今日!」

穿上白色Tube Dress晚裝長裙的徐子珊,露出白滑玉背,高貴大方。

姚書軼大方分享微針美容心得,指可令皮膚美白又光滑。

笑面

徐子珊五官比以前標致,昔日的熊貓眼變得眼仔睩睩。

正面

側面

今年五月



鍾意就快D Share啦!
Related Posts Plugin for WordPress, Blogger...