全城熱爆的娛樂八封新聞 & 時事趣聞 & 生活 + 趣聞
達明同老婆囝囝行街，大病後嘅達明真係蒼老咗，好在面色比起啱啱復出嗰陣好番好多。
張達明 3年前確診鼻咽癌 3期，體重一度暴跌 40幾磅，幾年嚟一直專心抗癌，直到今年初好番兼復出，但係個病樣仲係令人好鬼擔心。而佢老婆何念慈一邊做嘢同時又要照顧老公，的確辛苦。
好在張太嘅勞心勞力付出有回報！前幾日，媽咪姐就見到達明同老婆囝囝一家三口喺圓方行街，雖然張太為咗幫老公醫病搞到憔悴咗，但達明精神好好，仲好好胃口㖭！睇嚟達明好快好番，張太就安樂晒
行到咁上下，達明一家去咗 food court醫肚，三兩下手勢就搞掂咗碗拉麵。
張太何念慈本身係一位心理醫生，老公病後一邊賺錢養家，一邊照顧老公，睇個樣就知辛苦。
依家個個講黃子華嘅棟篤笑，唔知大家仲記唔記得 95年達明同子華合作棟篤笑呢？達明加油，等你再開騷！
