[忽然1周 1002] 60萬四次人工受孕 謝天華：停工陪老婆開刀 謝天華,MW,

體重達 140磅

佗住 5個月肚的 Tina，上周五（ 3日）與應采兒孖住出街。記者發現 Tina身形明顯大一截，腰圓肚巨，有近 140磅。

滾熱辣

60萬四次人工受孕　謝天華：停工陪老婆開刀

謝天華和李天恩（ Tina）自 05年結婚以來，一直恨生 BB，可惜 Tina輸卵管閉塞，即使試過三次人工受孕，也無功而回。

本來已將生育大計拋諸腦後的謝天華，眼見陳小春、洪天明等兄弟陸續做老竇，又挑起他做父親的念頭。今年與太太決定發力造人。

經過第四次人工受孕，連同頭三次總共花了 60萬手術費，年屆 39歲的 Tina終於有喜。現時佗住 Laughing仔五個月的她，上周五（ 3日）孖住姊妹應采兒睇嬰兒用品。本身已屬豐滿型的 Tina，佗仔後身形再發脹，前凸後凸。終於得米的謝天華，決定陪老婆入產房，他說：「我會停工陪老婆開刀。」

其他影片：>>60萬人工受孕添丁　 Laughing嫂有餡五個月
>>解構人工受孕　 39歲 Laughing嫂得咗

Tina經常陪同謝天華出席活動，她身材雖然一向有肉地，但懷孕前依然有尖下巴。

今年初，有報道指謝天華老婆 Tina輸卵管閉塞，加上老公離開大台自立門戶後，頻頻北上搵人仔，打消她生仔念頭。當時 Tina講過：「有冇小朋友呢啲嘢順其自然，強求唔到，可能係天意。」

輸卵管閉塞

其實謝天華兩公婆向來鍾意小朋友， 05年結婚後便發力造人。但 Tina做身體檢查時發現自己輸卵管閉塞，於是決定做人工受孕，希望盡快幫謝家繼後香燈。「其實佢哋結得婚就係諗住生。醫生話 Tina生 B機會渺茫，但佢冇放棄，唔顧自己身體，一年內仲做咗兩次人工受孕，可惜都冇聲冇氣。」知情人士說。

老婆肚皮冇動靜，謝天華亦冇再俾壓力 Tina，決定暫且放下生仔一事。不過 Tina有感自己再唔生，做高齡產婦的風險只會愈來愈高，因此去年再接受第三次人工受孕，可惜亦是無功而回。「未到 40歲都仲有一線生機，於是今年 4月再做第四次手術，卒之俾佢搞掂。四次夾埋總共使咗 60萬，但天華知道自己終於可以做人老竇，真係幾多錢都唔係問題」

38吋圓肚

側面睇 Tina巨肚頗誇張，外套都遮唔住。不過她步伐輕盈，笑容亦比之前多。

實木牀仔

當日 Tina去銅鑼灣睇 BB用品，睇中挪威出品實木 BB牀。牀仔可自由調校大細，可以瞓到十歲，價值約萬六蚊。

電動奶泵

Tina對電動泵奶機相當有興趣，似乎為餵人奶做準備。這款美國的電動泵奶機價值 3千 5百蚊。

封口怕小器

Tina今胎來得不易，為怕 BB小器，謝天華兩公婆決定封鎖消息，只有最親的家人才知這樁喜事。直至上月有報道踢爆 Tina有餡，謝天華才忍不住露口風：「都係唔好講住，我都好低調……你哋睇我連微博都冇發，依家最緊要小朋友穩定先。」

首次做老竇的謝天華非常緊張，有人目睹他為了 BB，對老婆低聲下氣。「上個月我哋一班 friend食飯 gathering， Tina一坐低就叫凍檸茶，天華即刻同老婆講：『呢個時候你唔好飲凍嘢喇！』我都未見過天華咁細心同溫柔，佢仲送咗隻鑽戒俾老婆，四卡幾，要成百萬㗎！」知情人士說。

現時懷胎五個月的 Tina，為怕驚動胎氣，甚少出街。但蠢蠢欲動的她，上周五（ 3日）終於約埋好姊妹應采兒，到銅鑼灣睇 BB牀。記者發現 Tina身形脹了足足一個碼，腰粗腳粗，似有餡七、八個月咁款。雖然預產期為明年初，但 Tina在應采兒教路下，已鎖定一批要買的嬰兒用品。

傍實老婆

周一（ 6日），謝天華與老婆 Tina結伴睇騷，他發現記者後，立即叫老婆到較少人的位置等他，避免發生碰撞，非常細心。

收四卡鑽戒

Tina當日大騷手上閃到爆的四卡鑽戒，據知這是謝天華送給老婆，獎勵生仔的禮物。

謝天華和 Tina結婚 9年，經歷不少風雨。 09年，謝天華醉駕， Tina全程護夫（圖）。同年，謝被指偷食模，而 Tina就被傳自殺入院。

離巢撈得掂

謝天華去年離巢後，自組公司「拉風工作室」，並由太太 Tina做埋經理人，實行肥水不流別人田。由於謝天華憑「 Laughing哥」一角於內地爆紅，因此主力北上的他，兩年內已搵過千萬，好過留在大台。

醫生︰懷孕機會最多兩成

人工受孕過程需時，單計女士每日打排卵針，因個案而定要二至六個禮拜，其間要照超聲波及抽血等。費用由八萬到十二萬不等，懷孕機會最多為兩成。

婦科醫生郭志偉說：「女方要打排卵針，婦科醫生會用陰道超聲波喺卵巢抽卵子。男方攞精液後，胚胎專家就會將精液用離心機篩選靚嘅精子，再將精子同卵子結合。

「之後，利用幼導管將精子打入卵子度，結合後變成初期胚胎。專家又會選篩最好的一、兩個胚胎，經陰道放番入媽咪個子宮裏面。」

鍾意就快D Share啦！

下一篇 》