2014年10月10日 星期五

[忽然1周 1002] 唔識游水搵命搏  Barbie:泊到星爺死都抵 星爺,夏尉喻,Barbie,周星馳,MW,




進擊的美人魚

擁有 36E上圍的美人魚,大家見過未? Barbie笑言自己周身肉,仍要努力減磅。

娛樂喧

唔識游水搵命搏  Barbie:泊到星爺死都抵

傳說中的美人魚,一向是樣靚身材正。

被指游水似海獅的「寸嘴 Barbie」夏尉喻,有幸在星爺新片《美人魚》中擔演一角。今次她為了做《美人魚》,明知自己不懂水性又忌水,仍搵命搏在一個月內極速學懂游水及潛泳,咁搏為乜?佢話:「當然係想泊到星爺呢個碼頭就算得一句對白,就算唔識游水,要我死都抵呀!」騎呢 Barbie,原來認真時可以去到咁盡。








上月中 Barbie在美人魚選拔中獲「大膽才藝獎」,最後更成功入圍。據知星爺對她的騎呢表現另眼相看。

在星爺新片《美人魚》甄選大賽上,憑特別獎「大膽才藝獎」入圍的夏尉喻,擁有 36E巨胸,着起三點式,無時無刻都咁養眼。以為她胸前如此偉大,定必是巨肺之人,能長時間閉氣及有一流的浮水力,事實卻是她參加甄選後才學游泳。

據 Barbie閨蜜透露:「大家咪睇 Barbie平時咁寸嘴,每年夏天搞船 P佢就收晒口,因為佢唔識游水囉!每次只可以睇住我哋玩,佢就留喺船上,都幾慘㗎!所以一聽到佢要參加比賽扮美人魚游水喎,我問過佢得唔得?佢就話:『唔得都要得!』見佢意志好堅定咁。最後真係俾佢喺一個月內學識,仲可以玩花式,真係要寫個服字俾佢。」原來星爺咁大影響力,難怪不少女星爭做星女郎

水上浮波

美人魚在水中生活,先決條件係識浮, Barbie好輕易就整個人浮在水面,雙峰變成浮波。

閉氣一分鐘

唔識游水的 Barbie要先學閉氣才能在水中暢游。因為雙腳被綁,她只能用雙手及腰力向水底下潛,還要睜開眼笑對鏡頭,難度非常之高。

翻騰旋轉

經過多個星期的特訓, Barbie已經可以做出 360度的翻騰動作,而且仲做得好優美。

未收到劇本

據知星爺新片《美人魚》,日前已經在深圳開始進行拍攝,但香港三位入圍「美人魚」松岡李那、 Kabby(許雅婷)及 Barbie同樣未收到劇本,未知何時埋位開拍。星爺過去的電影作品都要拍攝頗長時間,有見及此, Barbie爭取更多練習時間,並努力減磅 keep fit,一洗「海獅」污名。

要一個完全不懂水性的人,短時間內學會潛泳,並於水中打開雙眼,絕對不是一件易事。早前 Barbie親身落水示範美人魚在水中的三招潛泳花式,她每次上水都咳到頗辛苦,但仍努力在鏡頭前展示練習成果。她說:「我接到通知叫我做定拍攝預備,所以每日都會練水 3個鐘。依家喺水底扮美人魚我俾自己 70分,仲有好多進步空間。現時要 keep fit少食多餐,多運動,雖然我得 51kg,但生得矮,惟有努力減磅。」

除了 Barbie外,同樣入圍的香港代表松岡李那與 Kabby(右)亦將會成為星爺新戲的美人魚,更盛傳 Kabby會是第一女主角。

有教練睇實

對於唔識游水搵命搏, Barbie坦言唔怕死,「我唔驚係因為有專業花式教練在場,好安全嘅。人生有好多嘢唔搏就冇,我係一個肯搏肯捱嘅人,當然想泊到星爺呢個碼頭星女郎喎!就算得一句對白,或者係騎呢角色,只要星爺叫到,要我死都抵!」

嘩!唔使咁盡吓話?不過,她擁有 36E上圍加騎呢大膽仲 rap得兩嘴,睇怕《美人魚》中的爆笑位非 Barbie莫屬。

曾經正常過

夏尉喻( Barbie)原名廖祉甯, 2010年參選港姐時負面新聞不斷,經常缺席活動,更被踢爆拍露點照,最終未能入圍。及後她參加同年的亞姐,但途中自動退選。其囂張寸嘴作風,被媒體稱為「寸嘴 Barbie」。翻看她四年前的參選照,身材未有現時般洶湧,樣貌亦清純得多。選美不成的 Barbie,年前踩入電影圈參與《喜愛夜蒲 3》,靠騎呢一剝成功上位。

雖然被封為寸嘴 Barbie,但當年參選港姐時外貌清純,衣着亦明顯多布正常。

Barbie參選亞姐時以三點式見人,當時面尖尖身材平均,絕對係大熱之選。

首次拍電影《喜愛夜蒲 3》已半裸上陣,胸前只靠一雙男人手去遮住,好搏啫!



鍾意就快D Share啦!
Related Posts Plugin for WordPress, Blogger...