2014年10月22日 星期三

[FACE - 387 - 外地娛樂] 有畀$㗎 韓版《交響情人夢》光明磊落翻拍 MF,




由周元搭沈恩京主演的新劇《明日如歌》,是改篇自日劇《交響情人夢》,此劇已於上週一( 13日)韓國開播,平均收視 8.5%,收視不及同檔丁一宇主演的《巡夜人日記》( 9.3%),屈居收視第二。但𠵱家先開頭,仲有得追。

韓飯台

有畀$㗎 韓版《交響情人夢》光明磊落翻拍

近年韓國愛將經典日劇改編成韓劇, 5年前有李敏鎬主演、改編同名日劇的《花樣男子》、上年就有崔智友主演、改編《家政婦三田》的《奇怪的保母》,去到上週輪到沈恩京搭周元的最新改編韓劇《明日如歌》出籠。







《明日如歌》其實是改編自 8年前 hit爆東南亞的日劇《交響情人夢》,雖然男主角周元並無玉木宏咁靚仔、女主角沈恩京亦冇上野樹里咁可愛,但一樣咁搞笑,而且劇情似足九成。

梗係啦, KBS電視台真金白銀買版權翻拍成韓版,唔似大台咁,抄完都唔認囉。

《明》劇內容同原裝《交響情人夢》一致,講一班熱愛古典音樂的青年,在愛與夢想中成長的故事。劇中沈恩京學足上野樹里,不時生擒周元。

06年推出的《交響情人夢》,曾創下最高 21.7%紀錄,此劇亦捧紅男女主角玉木宏同上野樹里。

1.《明》劇中,周元拉小提琴似模似樣,點苦練呢?

雖說翻拍,但主角周元仍好認真,為演活韓版「千秋王子」,開拍前已苦練拉小提琴,搞到肩頸發炎。

其實周元本身唔識拉小提琴,但為咗演天才樂師車宥振,於《明》劇拍攝前 5個月,周元已開始日日練習做指揮、拉小提琴同彈鋼琴,更因苦練拉小提琴,試過練到肩頸發炎,真係陰公豬

2.上野樹里演野田妹深入民心,沈恩京扮韓版野田妹有冇壓力?

早前上野樹里到韓國出席日韓交流節時,沈恩京即把握機會,約上野見面,請教扮「野田妹」心得。

沈恩京自認係上野樹里粉絲,覺得上野樹里演得好入神,所以接拍《明》劇後便開始感到好大壓力,試過因不滿自己的表現而躲在片場一角偷哭,要周元安慰。

3.聽講沈恩京為咗拍《明》劇減肥喎!

沈恩京為令自己更上鏡,開拍前自動波減肥,終於成個人 sharp晒。

係呀,早前佢接受訪問時自爆,為上鏡睇落靚啲唔只進行節食減肥,再加埋阿媽親手泡製的排毒果汁實行雙管齊下,卒之開拍前減到 10磅左右,成個人醒神晒。

4.沈恩京做成點先?

最近沈恩京憑電影《奇怪的她》,擸走釜山電影獎影后,絕對係演技派。

9歲已入行做童星的沈恩京,雖然唔算靚女,但演技超好,尤其飾演傻妹甚至騎呢角色最耍家,早前便憑電影《奇怪的她》連掃 5個影后獎。



鍾意就快D Share啦!
Related Posts Plugin for WordPress, Blogger...