全知言
維基開台 張開雙眼最想見到邊個？
維基嘅香港電視終於決定喺 11月開台，仲話會喺大台 11.19台慶嗰日賀賀佢喎！講真大家等到頸都長，今鋪可以認真告別臥底開飯食公仔麵。
全知言今期就訪問咗幾位靚女明星，睇吓佢哋喺香港電視呢個新平台入面，最想見到邊位藝人演出？估唔到吳雨霏竟然乘機 hard sell自己，咁不如集齊其餘 8位餅碎，整番套《女子組合血淚史》啦，有得諗喎維基！
吳雨霏 乘機自 sell
如果加入維基嘅話，我覺得不如就搵我因為我自己對拍喜劇都非常之有興趣，雖然 N年前拍過啲搞笑嘅電影啦，但係我自己不嬲都喜歡啲氣氛好啲、笑吓嘅劇。我覺得一啲傻吓傻吓、傻大姐嘅角色都幾啱我自己。同埋我唔怕醜化自己，甚至可能愈核突嘅都 ok，我覺得可以係一個挑戰囉！
吳千語 最愛廖啟智
之前都睇咗佢好多電影，佢係一個我好鐘意嘅香港演員，演過好多好突破嘅角色，好似之前同郭富城嗰套（應該講緊《 C+偵探》），自己好期待佢嘅新作品，因為覺得佢做嘅角色，每一次都有好多驚喜俾觀眾，我自己好期待睇到佢嘅演出。（其實智叔已經拍咗《警界線》等住出街）
Rosanne 掛住張栢芝
做劇呢，張栢芝吖！我覺得佢做戲有一種魅力，同埋好掛住佢拍戲嗰啲好喪好豪放嘅角色，好掛住佢，返嚟拍
街坊最想睇影帝
反正都係希望，有市民就索性話想張家輝入 HKTV，明喎，唔通俾個劉錫賢你又睇住先咩？
恨睇張家輝
個劇本同佢係發揮得好，比如張家輝嗰啲囉，咁但係呢啲老實講，人哋做咗影帝又會唔會返嚟拍劇，呢個當然係另一個問題但係我真係好鐘意，如果有嘅，都會吸引囉！
林依晨好戲
如果是女演員的話我比較喜歡林依晨。你看她拍那些台灣的偶像劇，收視率很高，而且我覺得她偏激的粉絲比較少，就是一個很好的形象，在其他地方口碑很好亦不錯呀。
|
鍾意就快D Share啦！
|
|
|
